Qazaqstandyq depýtattar bir top zańnamalyq túzetýler usyndy, onyń ishinde dári-dármek, meditsinalyq qyzmetter, kitaptar men qarjylai qyzmetterge qosymsha qun salyǵyn (QQS) engizbeý týraly másele kóterildi.
Depýtat Ashat Aimaǵambetov áleýmettik jelide bul usynystardyń mańyzdy sebepterin túsindirdi. Ol dári-dármek pen emdeý qyzmetterin QQS-tan bosatý qajettigin aitty, dep habarlaidy Dalanews.kz.
Onyń sózinshe, aýyr jáne ómirge qaýip tóndiretin aýrýlarmen kúresip júrgen naýqastar úshin dári-dármek baǵasynyń ósýi úlken salmaq salýy múmkin.
“Bul jai ǵana salyq máselesi emes, bul — adamgershilikke qatysty sheshim.
Onko-dáriler men sirek aýrýlarǵa arnalǵan preparattardyń baǵasy qazirdiń ózinde óte joǵary. Eger olarǵa QQS engizilse — bul baǵanyń birden 16%-ǵa ósýin bildiredi”, — deidi ol.
Otandyq kitaptar men animatsiia
Sonymen qatar depýtat otandyq kitaptar men animatsiiany QQS-tan bosatýdy usyndy.
“Kitapqa QQS salý — otandyq avtorlar úshin shyǵarylym qunyn arttyrady. Al bul — oqyrman úshin kitaptyń baǵasynyń kóterilýine ákeledi. Qazaq avtorlary nazardan tys qaldy dep aityp júrmiz — degenmen, sonyń ózinde kitapqa salyq salyp otyrmyz.
QQS-tan bosatý — mádenietke, bilimge, ulttyq oiǵa kórsetilgen qurmet.
Biz óz avtorlarymyzdy, aýdarmashylarymyzdy, sýretshilerimizdi qoldaýymyz kerek.
Sol siiaqty animatsiia da — endi damyp kele jatqan sala. Qazaq tilindegi sapaly mýltfilmder óte az. Bul salany salyqpen emes, naqty qoldaýmen kóterýimiz qajet”, — deidi ol.
Qarjy qyzmetteri
Depýtat bank qyzmetterine QQS engizýdiń qaýiptiligi týraly da sóz qozǵady.
“Kóptegen elde bank qyzmetterine QQS salynbaidy — bul jaidan-jai emes.
Bizde de qazirgi tańda bul qyzmetter QQS-tan bosatylǵan.
Eger banktik aýdarymdar men kartochka arqyly tólemderge QQS engizilse — halyq kúndelikti qoldanyp júrgen qarapaiym qyzmetter qymbattap ketýi múmkin.
Mysaly, siz Halyq banktegi kartańyzdan Kaspi-ge aqsha aýdardyńyz — 200 teńge komissiia tóledińiz. Eger oǵan QQS qosylsa, taǵy 32 teńgege deiin qosylýy ábden múmkin”, — dep qosty ol.
Aimaǵambetov bul ózgeristerdiń ásirese stýdentter, ata-analar men shaǵyn kásipkerler úshin aýyrtpalyq bolýy múmkin ekenin aitty.
Qosymsha usynystar
Depýtat zańnamalyq túzetýlerdiń aiasynda keibir salalarǵa qosymsha salyqtardy engizýdi usyndy:
"– býkmekerlik keńseler men kazinolarǵa salyqty kóterý,
– transmai qosylǵan ónimderge aktsiz engizý,
– bankterge salynatyn korporativtik tabys salyǵynyń mólsherlemesin arttyrý.
Iaǵni, másele “bárin bárinen bosatýda” emes. Másele — ádil ári teńgerimdi salyq júiesin qalyptastyrýda”, — dedi ol.
Ashat Aimaǵambetov bul usynystardyń ádil jáne teńgerimdi salyq júiesin qalyptastyrý maqsatynda kóterilip otyrǵanyn jáne jaqyn ýaqytta osy máseleler Májiliste qaralatynyn jetkizdi.
