Poiyz qozǵalyp, uzaq jolǵa bet alǵan kezde Baýkeń:
– Al, endi tanyspaimyz ba, bir úige tireý bolǵandai boi-soiyńyz bar eken, kim bolasyz? – depti.
Baýkeńniń sózine beitanys qazaq yńyrana jaýap berip:
– Kim ekenimdi kórmei otyrsyń ba, Geroi bolamyn! – deidi.
Bul jaýap Baýkeńe unamaidy da, qatqyldaý únmen:
– Bul Batyr ataǵyn ne úshin aldyńyz? – dep suraidy. – Júz bieden júz qulyn alǵanym úshin! – depti beitanys qazaq.
Sonda Baýkeń:
– Aiǵyr shapty, baital tapty, oǵan seniń qandai qatysyń bar. Geroi ataǵyn saǵan emes, júz biege júz qulyn taptyrǵan aiǵyrǵa berý kerek edi. Tekke maqtanyp otyrsyń. Al, myna men Moskva túbinde – Volokalamsk tas jolynda qalyń jaýdy jairatsam da, omyraýyma bir de medal taqqanym joq. Biraq, halyq qoiǵan Batyr ataǵym bar! – degen eken.
Osy sózdi estigende, beitanys qazaq qorbańdap ornynan atyp turyp: – Ah, Baýkeń ekensiz ǵoi, aǵasy menen bir ábestik ketti, keshirińiz! – dep, Baýkeńniń qolyn alǵan eken deidi.
El aýzynan jinap alǵan Aqseleý Seidimbek
