Jezqazgan Tau-ken Ondirisi bas direktory Batys kenishinde óndiristik aralaý júrgizip, negizgi taý-ken jumysynyń barysymen tanysty, sondai-aq eńbek ujymymen kezdesip, óndiris qaýipsizdigi men tiimdiligin arttyrýǵa baǵyttalǵan birqatar tapsyrma berdi, dep habarlaidy dalanews.kz.
Aralaý barysynda temirjol infraqurylymyna jaqyn ornalasqan jańa jerasty jolynyń qurylysy qaraldy. Jobany iske asyrý ken tasymaldaý qashyqtyǵyn qysqartýǵa jáne operatsiialyq tiimdilikti arttyrýǵa múmkindik beredi. Jumys osy jyldyń tamyz aiynda aiaqtalady dep josparlanýda. Portaldyń ashylýy kenishtiń mineraldyq-shikizat qoryn arttyrýǵa sep bolady.
Qoldanystaǵy óndiristik ýchaskelerge erekshe kóńil bólindi — tórtinshi jáne besinshi ken óndirý gorizonttary qaraldy. Kenshilermen kezdesý barysynda jumysshylardyń eńbek jaǵdaiy men tolǵandyratyn máseleleri talqylandy. Ónerkásiptik qaýipsizdik talabyn saqtaý basym baǵyt ekeni erekshe atap ótildi.
Sonymen birge aralaý barysynda konveier ýchaskesi qaralyp, ken qoryn ulǵaitýǵa baǵyttalǵan geologiialyq barlaý jumysynyń barysy tanystyryldy.
Turaqty óndiristik aralaý tájiribesi «Qazaqmys korporatsiiasy» JShS Basqarma tóraǵasy Rýslan Óskenáliniń tapsyrmasy boiynsha júrgizilýde jáne ol basshylyq pen eńbek ujymy arasynda tikelei bailanys ornatýǵa baǵyttalǵan.
Atalǵan jumys basqarý úderisiniń ashyqtyǵyn arttyrýǵa jáne jumyskerlerdiń ótinishterine jedel áreket etýge baǵyttalǵan QA korporativtik jobasy aiasynda júzege asyrylýda.
Tek 30 sáýir men 4 mamyr aralyǵynda kompaniia kásiporyndarynda ártúrli deńgeidegi 198 basshynyń qatysýymen 406 óndiristik aralaý júrgizildi. Barlyq anyqtalǵan másele biryńǵai derekqorǵa tirkelip, kompaniia basshysynyń tóraǵalyǵymen ótetin otyrysta qaralady.
Negizgi taqyryptar qatarynda ónerkásiptik qaýipsizdik, eńbek jaǵdaiy, óndiristik úderisti uiymdastyrý jáne ujymnyń áleýmettik ahýaly bar. Júieli jáne asa mańyzdy máseleler boiynsha kásiporyndardyń turaqty jumysyn qamtamasyz etýge jáne óndiristik ortanyń sapasyn arttyrýǵa baǵyttalǵan basqarýshylyq sheshimder qabyldanady.
Turaqty óndiristik aralaý tájiribesi jalǵasyn tabady, bul ishki kommýnikatsiianyń tiimdiligin arttyrýǵa jáne óndiriste sheshim qabyldaý úderisin jedeldetýge múmkindik beredi.
