پويىز قوزعالىپ, ۇزاق جولعا بەت العان كەزدە باۋكەڭ:
– ال, ەندٸ تانىسپايمىز با, بٸر ٷيگە تٸرەۋ بولعانداي بوي-سويىڭىز بار ەكەن, كٸم بولاسىز? – دەپتٸ.
باۋكەڭنٸڭ سٶزٸنە بەيتانىس قازاق ىڭىرانا جاۋاپ بەرٸپ:
– كٸم ەكەنٸمدٸ كٶرمەي وتىرسىڭ با, گەروي بولامىن! – دەيدٸ.
بۇل جاۋاپ باۋكەڭە ۇنامايدى دا, قاتقىلداۋ ٷنمەن:
– بۇل باتىر اتاعىن نە ٷشٸن الدىڭىز? – دەپ سۇرايدى. – جٷز بيەدەن جٷز قۇلىن العانىم ٷشٸن! – دەپتٸ بەيتانىس قازاق.
سوندا باۋكەڭ:
– ايعىر شاپتى, بايتال تاپتى, وعان سەنٸڭ قانداي قاتىسىڭ بار. گەروي اتاعىن ساعان ەمەس, جٷز بيەگە جٷز قۇلىن تاپتىرعان ايعىرعا بەرۋ كەرەك ەدٸ. تەككە ماقتانىپ وتىرسىڭ. ال, مىنا مەن موسكۆا تٷبٸندە – ۆولوكالامسك تاس جولىندا قالىڭ جاۋدى جايراتسام دا, ومىراۋىما بٸر دە مەدال تاققانىم جوق. بٸراق, حالىق قويعان باتىر اتاعىم بار! – دەگەن ەكەن.
وسى سٶزدٸ ەستٸگەندە, بەيتانىس قازاق قورباڭداپ ورنىنان اتىپ تۇرىپ: – اح, باۋكەڭ ەكەنسٸز عوي, اعاسى مەنەن بٸر ەبەستٸك كەتتٸ, كەشٸرٸڭٸز! – دەپ, باۋكەڭنٸڭ قولىن العان ەكەن دەيدٸ.
ەل اۋزىنان جيناپ العان اقسەلەۋ سەيدٸمبەك
