1959 jyly qarýly tóńkeris nátıjesinde bılikke kelgen Fıdel Kastro 2008 jylǵa deıin eldi basqardy. Aýyr naýqastan keıin ol bılikti inisi Raýl Kastroǵa berip, sodan beri kópshiliktiń kózine túse bermeıtin. Sońǵy ret Fıdel Kastro bıyl tamyzdyń 13-i kúni óziniń 90 jyldyq mereıtoıyna arnalǵan saltanatty sharaǵa qatysqan kezde jurtqa kóringen.
Kýba úkimeti Fıdel Kastronyń densaýlyq jaǵdaıyna baılanysty sarań málimetpen shekteletin.
Fıdel Kastro bılikke kelgen soń Kýba men AQSH arasynda dıplomatıalyq baılanys úzilip, tek byltyr, 2016 jyly ǵana qaıta ornaǵan. Kastro KSRO-men tyǵyz qarym-qatynas ornatty.
1962 jyly kúzde KSRO-nyń Kýbaǵa atom qarýy bar zymyrandardy ornalastyrýy tarıhta «Karıb daǵdarysy» degen ataýmen belgili 13 kúnge sozylǵan saıası daǵdarysqa alyp kelgen edi. Sarapshylar bul daǵdarys kezinde álem dúnıejúzilik ıadrolyq soǵysqa shaq qalǵan dep sıpattaıdy.
Halyqaralyq quqyqqorǵaýshy uıymdar men demokratıalyq elder Fıdel Kastrony Kýbada saıası qarsylastaryn aıaýsyz jazalap, adam quqyqtaryn aıaqqa taptaıtyn dıktatorlyq bılik júıesin ornatqany úshin synǵa alǵan.
