Qurmetti áriptester!
Kez kelgen qoǵamnyń damýy, memlekettiń ósip-órkendeýi sol qoǵamnyń ishki turaqtylyǵyna, bereke-birligine, ulttyq qundylyqtarynyń saqtalýyna, memlekettik myqty ideologiiasyna bailanysty. Al muny qalyptastyratyn, eń birinshi, ǵalymdar men ziialylar, aqyn-jazýshylar men jýrnalister.
Jýrnalister – qoǵamnyń janashyry! Qoǵam tirshiligindegi qylt etken qiyndyqqa birinshi bop ún qatyp, tyǵyryqtan shyǵar jol izdeitin de jýrnalister qaýymy!
Oralhan Bókeev aǵamyz kezinde: “Aqiqat sózdiń báigesi - myltyqsyz maidan. Jabysy qalyp jarymda, sáigúlik ozǵan!” degen eken.
Búgin, mine, sol aqparat maidanynda “qarýym - qalam, órisim - qaǵaz” dep, aqiqattyń arda júgin arqalap júrgen jýrnalister qaýymynyń kásibi merekesi!
Endeshe, Ózimniń jáne Ministrlik ujymynyń atynan barsha áriptesterimizdi shyn júrekten quttyqtaimyn!
Rasynda da, jýrnalistika - shyǵarmashylyq óristi ǵana emes, kásibi órshildik pen asa tereń mádeniettilikti, jan-jaqty bilimdilik pen ishki tárbielilikti qatar talap etetin kirpiiaz mamandyq. Óitkeni, ǵulama ǵalymmen de, birtýar darynmen de, qarapaiym qaýymmen de teń sóilesip, tamyryn tabý - ekiniń birine buiyra bermeitin dara qasiet. Asqaq abyroi.
Óz basym osyndai qasiet pen abyroidy otandyq jýrnalistikamyzdy búgingidei tamasha biikke kótergen maitalman aǵa býynnan bastap osy kúni aqparat aǵynymen alysqan árbir tilshiniń boiynan kóremin. Kórip qana qoimai, Sizderde bar erekshe talǵampazdyqty sezemin.
Sondyqtan da, osyndai talǵamdy qoǵamda qalyptastyryp, ainalamyzǵa adal aqparat jetkizýge atsalysqan aýyr da abyroily eńbekterińiz úshin riiasyz alǵysymdy jetkizemin!
Qalamymdaryńyzdan qasiet ketpesin! El igiligin tý etken eńbegimizde tabystarǵa birge jeteiik! Sizderge zor densaýlyq, otbasylaryńyzǵa amandyq, baqyt pen bereke tileimin!
