Zańger Aıjan Tashımova Janbolat Mamaıdyń sottaǵy jeńilisiniń birneshe sebebin atap berdi. Onyń aıtýynsha, sot prosesiniń merzimderi naqty dáleldi usynýǵa jetkilikti bolǵan. Alaıda jaýapkerler sotta ózderi taratqan málimetterdiń shynaıylyǵyn dáleldeı almaǵan. Bul týraly zańger Facebook paraqshasynda jazdy, – dep habarlaıdy Dalanews.kz.

– Jaýapkerler usynǵan materıaldardy eki topqa bólýge bolady, birinshisi talap-aryzdyń mánine jatpaıtyndar jáne bir qyzyǵy, ózderiniń «áshkereleýshi» málimdemeleriniń jalǵandyǵyn dáleldeıtin materıaldar. Mysaly, pikirtalas kezinde men olardyń jalǵan vıdeolaryn egjeı-tegjeıli saralap shyqqannan soń, jaýapkerler maǵan birde-bir suraq qoımady, – deıdi zańger.

Buǵan qosa zańgerdiń tótesinen qoıǵan suraqtaryna jaýap bermegen. Belgili bolǵandaı, J.Mamaı advokattyń saýalyna jaýap berýden bas tartqan, al I.Imanbaı bolsa múldem qashyp ketken.

– Olar meniń naqty jaýapty talap etip, tótesinen qoıǵan suraqtaryma jaýap bermeı, ár nárseni aıtyp jaltardy. Bul istiń paıdasyzdyǵy men kúlkili ekendigin eskerip, kóptegen suraqtardy qoıǵan da joqpyn (bul aıanyshty kórinis boldy!). Suraqtar sol kúıi jaýapsyz qalyp qoıdy, – dedi ol.

Mamaıdyń «dálelderin» ekige bólýge bolady. İske qatysy joq jáne ózi ótirigin áshkereleıtin bos áńgimeler, – deıdi zańger A.Táshenova