– جاۋاپكەرلەر ۇسىنعان ماتەريالداردى ەكى توپقا بولۋگە بولادى، ءبىرىنشىسى تالاپ-ارىزدىڭ مانىنە جاتپايتىندار جانە ءبىر قىزىعى، وزدەرىنىڭ «اشكەرەلەۋشى» مالىمدەمەلەرىنىڭ جالعاندىعىن دالەلدەيتىن ماتەريالدار. مىسالى، پىكىرتالاس كەزىندە مەن ولاردىڭ جالعان ۆيدەولارىن ەگجەي-تەگجەيلى سارالاپ شىققاننان سوڭ، جاۋاپكەرلەر ماعان بىردە-بىر سۇراق قويمادى، – دەيدى زاڭگەر.
بۇعان قوسا زاڭگەردىڭ توتەسىنەن قويعان سۇراقتارىنا جاۋاپ بەرمەگەن. بەلگىلى بولعانداي، ج.ماماي ادۆوكاتتىڭ ساۋالىنا جاۋاپ بەرۋدەن باس تارتقان، ال ي.يمانباي بولسا مۇلدەم قاشىپ كەتكەن.
– ولار مەنىڭ ناقتى جاۋاپتى تالاپ ەتىپ، توتەسىنەن قويعان سۇراقتارىما جاۋاپ بەرمەي، ءار نارسەنى ايتىپ جالتاردى. بۇل ءىستىڭ پايداسىزدىعى مەن كۇلكىلى ەكەندىگىن ەسكەرىپ، كوپتەگەن سۇراقتاردى قويعان دا جوقپىن (بۇل ايانىشتى كورىنىس بولدى!). سۇراقتار سول كۇيى جاۋاپسىز قالىپ قويدى، – دەدى ول.
مامايدىڭ «دالەلدەرىن» ەكىگە بولۋگە بولادى. ىسكە قاتىسى جوق جانە ءوزى وتىرىگىن اشكەرەلەيتىن بوس اڭگىمەلەر، – دەيدى زاڭگەر ا.تاشەنوۆا
