Atalǵan aýdanǵa arnaiy kelgen Shyǵys Qazaqstan oblysynyń ákimi Danial Ahmetov jóndeý jumystaryna qatysatyn barlyq qurylys kompaniialaryn jinap, qurylys jumystaryn qysqa merzim ishinde ári sapaly júrgizýdi tapsyrdy.
Búginde 114 úidiń jobalyq-smetalyq qujattamasy daiyn. Aldaǵy aptada jóndeý jumystary bastalady. Ol úshin 259 million teńge bólingen. Oblys ákimi kúrdeli jáne aǵymdaǵy jóndeýjúrgiziletin birqatar úilerdi aralap, turǵyndarmen kezdesti.
– Men komissiiaǵa óte muqiiat túrde jumys isteý týraly taǵy da tapsyrma berdim. Bul jerge iri kompaniialar keldi. Ekeýi Semei qalasynan, úsheýi Tarbaǵatai aýdanynan. Dúisenbiden bastap olar qyzmetterin atqara bastaidy. Men kelesi aida kelip, atqarylǵan jumysty ózim tekseremin, – dep atap ótti Danial Ahmetov.
– Jobalyq-smetalyq qujattamalar daiyn. Soǵan sáikes jumys isteitin bolamyz. Smetany kásibi bilikti mamandar jasady. Biz úidiń basym bóligin aralap kórdik. Barlyq is sapaly jáne qysqa merzimde atqarylady dep sendiremin, – dedi «Aziia» qurylys kompaniiasynyń basshysy Ásemhan Dosqujanov.
Aita keteiik, apat kezinde Aiagózdegi 162 úige sý kirgen. Qazirgi tańda komissiia barlyǵyn tekserip, tiisti sheshimderin shyǵardy. Nátijesinde 41 úi jóndeýge jatpaityn bolyp shyqty. Búginde jergilikti ákimdikpen 32 baspana satyp alyndy.
Sondai-aq, qalanyń keibir turǵyndary aimaq basshysymen kezdesýge kelip, úi talap etti. Máselen, Podgornaia kóshesindegi 171 úidiń turǵyny. Danial Ahmetov atalǵan baspananyń jaǵdaiyn jeke ózi baryp kórdi.
Danial Ahmetov tabiǵi apatty jeke maqsattary úshin paidalanyp ketýdi kózdeitinder qatary kóbeigenin de atap ótti. Tipti, óz úilerin ózderi qiratqan jaǵdailardyń bolǵany belgili.
– Qazirgi myna jaǵdaidy paidalanyp qalǵysy keletinder de tabylyp jatyr. Olar jańadan úi alǵysy keledi. Biraq, rasymen keibir úilerge jaqsylap jóndeý júrgizý qajet. Bul máselede qoǵam belsendileri qaida qarap otyr?! Mundai jaǵdaiǵa jol berilmeýi tiis. Úii qirap, jóndeýge múldem jaramaityn otbasylarǵa ǵana jańa baspana beriledi. Qalǵandaryn qalpyna keltiremiz. Jaqsylap jóndeimiz. Kóp uzamai adamdar óz úilerine kiretin bolady – dedi Danial Ahmetov.
ShQO ákiminiń baspasóz qyzmeti
Foto: Tileýbek Shaiahmet
https://dalanews.kz/35006
