28 sáýir kúni Abai oblysynyń Aiagóz aýdanynda Uly Jeńistiń 80 jyldyǵyna orai «80 jyldyqqa – 80 aǵash» atty ekologiialyq ári patriottyq aktsiia uiymdastyryldy,– dep habarlaidy Dalanews.kz
Is-sharanyń maqsaty – ardagerlerdiń erligin máńgi este saqtaý, jastardyń otansúigishtik rýhyn jáne qorshaǵan ortaǵa degen jaýapkershiligin arttyrý, sondai-aq aýdan ekologiiasyn jaqsartýǵa úles qosý.
Aktsiiaǵa 300-ge jýyq adam – ardagerler, mektep oqýshylary, eriktiler, qoǵamdyq uiymdardyń ókilderi, memlekettik qyzmetkerler men aýdan turǵyndary belsene qatysty. Aktsiia beibit ómirdiń, jasampazdyqtyń jáne urpaqtar sabaqtastyǵynyń simvolyna ainaldy.
Sharada Aiagóz aýdandyq Ardagerler keńesiniń tóraǵasy Bekbolat Ahmeshov sóz sóiledi.
– Jeńistiń 80 jyldyq mereitoiy – jai ǵana tarihi data emes, ol – urpaqtar arasyndaǵy kópir. Búgin biz ata-babalarymyzdyń erligin tek sózben ǵana emes, ispen de qurmettep jatyrmyz. Otyrǵyzylǵan árbir aǵash – tabiǵatqa degen qurmettiń belgisi, batyrlarǵa taǵzym jáne bolashaqqa qosylǵan úles. Halqymyzda «Atadan mal qalmasyn, tal qalsyn» degen danalyq sóz bar. Búgin otyrǵyzylǵan ár aǵash – erteńgi jasyl ormannyń bastaýy, – dedi ol.
Aktsiia «Jasyl aýdan — jarqyn bolashaq!» uranymen ótti.
Ardagerler men jastardyń birlesken eńbegi tarihqa degen qurmet pen ekologiialyq mádenietti qalyptastyrýdyń jarqyn úlgisi boldy.
