28 سەۋٸر كٷنٸ اباي وبلىسىنىڭ اياگٶز اۋدانىندا ۇلى جەڭٸستٸڭ 80 جىلدىعىنا وراي «80 جىلدىققا – 80 اعاش» اتتى ەكولوگييالىق ەرٸ پاتريوتتىق اكتسييا ۇيىمداستىرىلدى,– دەپ حابارلايدى Dalanews.kz
ٸس-شارانىڭ ماقساتى – ارداگەرلەردٸڭ ەرلٸگٸن مەڭگٸ ەستە ساقتاۋ, جاستاردىڭ وتانسٷيگٸشتٸك رۋحىن جەنە قورشاعان ورتاعا دەگەن جاۋاپكەرشٸلٸگٸن ارتتىرۋ, سونداي-اق اۋدان ەكولوگيياسىن جاقسارتۋعا ٷلەس قوسۋ.
اكتسيياعا 300-گە جۋىق ادام – ارداگەرلەر, مەكتەپ وقۋشىلارى, ەرٸكتٸلەر, قوعامدىق ۇيىمداردىڭ ٶكٸلدەرٸ, مەملەكەتتٸك قىزمەتكەرلەر مەن اۋدان تۇرعىندارى بەلسەنە قاتىستى. اكتسييا بەيبٸت ٶمٸردٸڭ, جاسامپازدىقتىڭ جەنە ۇرپاقتار ساباقتاستىعىنىڭ سيمۆولىنا اينالدى.
شارادا اياگٶز اۋداندىق ارداگەرلەر كەڭەسٸنٸڭ تٶراعاسى بەكبولات احمەشوۆ سٶز سٶيلەدٸ.
– جەڭٸستٸڭ 80 جىلدىق مەرەيتويى – جاي عانا تاريحي داتا ەمەس, ول – ۇرپاقتار اراسىنداعى كٶپٸر. بٷگٸن بٸز اتا-بابالارىمىزدىڭ ەرلٸگٸن تەك سٶزبەن عانا ەمەس, ٸسپەن دە قۇرمەتتەپ جاتىرمىز. وتىرعىزىلعان ەربٸر اعاش – تابيعاتقا دەگەن قۇرمەتتٸڭ بەلگٸسٸ, باتىرلارعا تاعزىم جەنە بولاشاققا قوسىلعان ٷلەس. حالقىمىزدا «اتادان مال قالماسىن, تال قالسىن» دەگەن دانالىق سٶز بار. بٷگٸن وتىرعىزىلعان ەر اعاش – ەرتەڭگٸ جاسىل ورماننىڭ باستاۋى, – دەدٸ ول.
اكتسييا «جاسىل اۋدان — جارقىن بولاشاق!» ۇرانىمەن ٶتتٸ.
ارداگەرلەر مەن جاستاردىڭ بٸرلەسكەن ەڭبەگٸ تاريحقا دەگەن قۇرمەت پەن ەكولوگييالىق مەدەنيەتتٸ قالىپتاستىرۋدىڭ جارقىن ٷلگٸسٸ بولدى.
