1 mamyrda Almatyda Qazaqstan halqynyń birligi kúnine arnalǵan aýqymdy mereke ótedi. Bıyl mereke Qazaqstan halqy Assambleıasynyń 30 jyldyǵyna oraılastyrylyp, «Birligi jarasqan Almaty» degen atpen ótedi,– dep habarlaıdy Dalanews.kz
Negizgi is-sharalar Respýblıka saraıy aldyndaǵy Abaı alańynda saǵat 10:30-dan 21:00-ge deıin ótedi. Kirý tegin.
11:00-den 12:15-ke deıin bas sahnada elimizdiń etnıkalyq jáne mádenı ártúrliligin tanystyratyn qazaqstandyq oryndaýshylar men shyǵarmashylyq ujymdar óner kórsetedi. Kórermender vokaldy jáne aspaptyq shyǵarmalar, halyq jáne zamanaýı bıler, sondaı-aq túrli mádenıetaralyq popýrrıge kýá bolady.
Almatylyqtar men qala qonaqtaryna arnap L Duo dýeti, daryndy pıanıs Temirlan Beısenbaı (Ratovich), «Diamond» strýndy trıosy, dýdýkıst Meıirman Abdrahmanuly, «Dervıshı», «Made in KZ» toptary, sondaı-aq Bashqurtstannan kelgen «Ay Yola» toby, olar ózderiniń tanymal «Homay» kompozısıasyn oryndaıdy. Kúndizgi konserttik baǵdarlamany Qazaqstannyń halyq artısi Roza Rymbaeva aıaqtaıdy.
12:15-ten 16:00-ge deıin merekelik konsert etnomádenı birlestikterdiń shyǵarmashylyq ujymdarynyń óner kórsetýimen jalǵasady. Kórermender halyq bılerin, fleshmobty, halyq ánderi men etnıkalyq mýzykalyq kompozısıalardy tamashalaıdy.
Keshke Abaı alańynda almatylyqtardy jáne megapolıs qonaqtaryn Qazaqstan estradasynyń juldyzdarymen úlken shoý-konsert kútip tur. Keshtiń basty juldyzy – tanymal ánshi Aıqyn Tólepbergen. Sonymen qatar sahnaǵa ánimen kópshiliktiń júregin jaýlaǵan Búrkit, Marsel, Dýman Marat jáne Marhaba Sábı shyǵady. Kórermenderdi qyzyqty shoý-baǵdarlama, jandy dybys jáne jarqyn atmosfera kútedi. Bastalýy – 19:00. Kirý tegin.
Sonymen qatar, Abaı alańynda «Edınstvo naroda v fokýse» fotokórmesi ótedi, onda kelýshiler Qazaqstan halqy Assambleıasynyń tarıhyndaǵy sáýleli sátterdi kóre alady.
Buǵan qosa, 1 mamyrda saǵat 10:00-de Tuńǵysh prezıdent parkindegi birlik jarysy ótip, oǵan 300 adam qatysady. Jarys Qazaqstan halqy Assambleıasynyń 30 jyldyǵy men Qazaqstan halqynyń birligi kúnine arnalǵan.
Merekelik is-sharalar Almatynyń barlyq 8 aýdanynda ótedi – áleýmettik jármeńkeler, sporttyq týrnırler, abattandyrý aksıalary men qaıyrymdylyq bastamalary josparlanǵan.
Qala aýdandarynda qandaı merekelik is-sharalar ótedi?
- Áýezov aýdanynda 30 sáýirde saǵat 11:00-de Family park-ta «Qazaqstan – birlik pen tatýlyqtyń mekeni» atty etno-konsert ótedi;
- Alataý aýdanynda merekelik konsert 30 sáýirde saǵat 15:00-de Inovasıalyq shyǵarmashylyq ortalyǵynda ótedi, mekenjaıy: Nurkent shaǵyn aýdany, 14a;
- Almaly aýdanynda merekelik konsert 1 mamyrda saǵat 12:00-de M. Gandı atyndaǵy saıabaqta ótedi;
- Bostandyq aýdanynda 1 mamyrda saǵat 12:00-de «Atakent» QİYO arkasy aldyndaǵy alańda merekelik shara ótedi;
- Jetisý aýdanynda 1 mamyrda saǵat 11:00-de Arbatta (Aınabulaq shaǵyn aýdany) turǵyndar úshin merekelik oıyn-saýyq sharalary uıymdastyrylady. Qonaqtar sporttyq jarystar, ınteraktıvti oıyndar jáne anımatorlar men boı kótergen qýyrshaqtardyń qatysýymen túrli baǵdarlamalar kútedi;
- Medeý aýdanynda 1 mamyrda saǵat 12:00-de Ortalyq mádenıet jáne demalys parkiniń ashyq sahnasynda merekelik is-shara ótedi;
- Naýryzbaı aýdanynda merekelik konsert 1 mamyrda saǵat 11:00-de amfıteatrda ótedi, mekenjaıy: Shuǵyla shaǵyn aýdany, 347;
- Túrksib aýdanynda merekelik konsert 1 mamyrda saǵat 11:00-de №6 mektep úıi aýmaǵynda ótedi, mekenjaıy: Seıfýllın dańǵyly, 13/1.
