Ahmetov: "Test nátijesin kútip otyrmai, kovid belgisi bar adamǵa birden tomografiia jasaý kerek"
Oblys ákimi Danial Ahmetov óz instagram paraqshasynda aimaqtaǵy epidemiialogiialyq jaǵdai, dárigerlerdiń ústemaqysy men PTR zerthanalar jetispeýshiligin qalai sheshý kerektigi týraly málimdeme jasap, naqty tapsyrmalar júktedi.
- Koronavirýsty anyqtaityn PTR-zertteýler nátijeleriniń keshiktirilýine bailanysty dárigerlerge tatar áriptesteriniń úlgisi boiynsha áreket etýdi, atap aitqanda - kútýge ýaqytty joǵaltpai, kovidti belgileri bar kelýshilerge birden rentgen nemese kompiýterlik tomografiiany jasaýdy tapsyrdym.⠀
Qutqarýshylar men meditsina qyzmetkerleriniń aitýy boiynsha, bul jerde "altyn saǵat" erejesi jumys isteidi, iaǵni naýqasty tez arada emdeýdi bastap, onyń aýyr hálge túsýine jol bermeý. Búgingi tańda Kókpekti jáne Tarbaǵatai aýdandarynda kúrdeli epidemiologiialyq jaǵdai saqtalýda. Oǵan úsh kúnge Semei dárigerleri men Tatarstannan kelgen mamandar attanady.
Aýdan aýrýhanalary barlyq qajetti jabdyqtarmen jáne dári-dármektermen qamtamasyz etilgen. ⠀Áleýmettik jelilerde paida bolǵan otteginiń jetispeýshiligi týraly aqparat shyndyqqa sai emes. Al dárigerler ózderin qorǵai bilýleri kerek. Dárigerge renjip, búkil júiege áleýmettik jelilerde kir keltirýde. Buǵan jol bermeý kerek, - dedi aimaq basshysy.
Danial Ahmetov indetpen kúresip, aianbai eńbek etip júrgen dárigerlerdiń ústemaqysy týraly da aityp ótti.
- Ústemeaqylarǵa keletin bolsaq, koronavirýspen kúreste aldyńǵy qatarda júrgen shyǵysqazaqstandyq dárigerlerdiń tólemderi taiaý arada júzege asyrylady. Qordyń aqshasy meditsinalyq mekemeler men statsionarlardyń shottaryna aýdaryldy. Maýsym aiynda bolǵan provizorlyq, juqpaly jáne karantindik statsionarlardyń kóbeiýine bailanysty kidiris oryn aldy. MÁMS qory biýdjetke qosymsha túzetýler engizdi.
Sondai-aq, búgin Tatarstanmen dári-dármek jetkizý týraly kelisimshartqa qol qoiylǵanyn atap ótkim keledi. Osy qujatqa sáikes oblys jarty jylǵa dári-dármektermen qamtamasyz etiledi. Budan basqa, jaqyn arada taǵy úsh PTR-zerthana satyp alynady, - dedi Danial Ahmetov óz instagram paraqshasynda. ⠀
Sondai-aq, Shyǵys Qazaqstan meditsinalyq mekemeleriniń bas dárigerlerine úide koronavirýsty qalai emdeý kerektigi týraly aqparatty qamtityn qarapaiym jáne túsinikti jadynama ázirleýdi tapsyrdy. Bul jeńil formany diagnostikalaityn jáne statsionarǵa jatýdyń qajeti joq patsientterge arnalǵan qujat. Mundai tájiribe ekinshi tolqyn kezinde ózin-ózi emdeýdiń teris nátijelerin boldyrmaýǵa kómektesedi
