Aimaq basshysy Danial Ahmetov Óskemendegi reprodýktivti meditsina ortalyǵynyń jumysyn synǵa aldy.
9 shildede koronavirýsqa PTsR-testileýden ótken patsientter áli kúnge deiin taldaý nátijelerin almaǵan. Sonyń saldarynan fizio-pýlmonologiia ortalyǵynyń dárigerleri naýqasqtarǵa tiisti em taǵaiyndai almai, olardy ne infektsiialyq statsionarǵa ne jaǵdaiyn baqylai otyryp, ony úige jiberýge bolatynyn anyqtai almai otyr.
Olardyń barlyǵy qazir provizorlyq statsionarda jatyr, sebebi virýsty juqtyrǵandardyń bar-joǵy belgisiz.
- Biz taldaýdy birden alamyz. Sodan keiin, reprodýktivti meditsina ortalyǵyna jiberemiz. Biraq 9 shildeden bastap bizge kelip túsken barlyq patsientterdiń test nátijeleri áli kúnge deiin kelgen joq. Biz zerthanaǵa birneshe ret qońyraý shaldyq, alaida jaǵdai ózgergen joq. Naýqastar kelip jatyr, test nátijeleri bolmaǵandyqtan biz olarǵa tiisti emdi qoldana almaimyz, - dedi fizio-pýlmonologiia ortalyǵynyń bas dárigeriniń orynbasary Leila Amrieva.
Bul aqparatty estigen oblys basshysy Danial Ahmetov memlekettik mekemelerdiń aldynda ózderiniń kelimsharttyq mindetterin durys oryndamaityn zerthanalardyń máselesi QR Densaýlyq saqtaý ministrligi deńgeiinde sheshiletindigin aitty. Olar litsenziialarynan aiyrylýy múmkin.
Esterińizge sala keteiik, pandemiia bastalǵannan beri oblystyń 180 myńnan astam turǵyny PTsR testileý men ekspress-analiz tapsyrdy. Óńirde testileý jasaityn materialdar jetkilikti, másele zerthanalardyń salǵyrttyǵynda.
Test nátijeleri ýaqytyly daiyn bolǵan jaǵdaida, provizorlyq statsionarlarda jatqan naýqastar sanyn azaiar edi, óitkeni JRVI nemese pnevmoniiamen túsken ( jaǵdaiy jeńil ) naýqastardy úige, qalǵandaryn basqa da meditsinalyq mekemelerge jiberer edi. Jaýapkershiligi joq zerthanalar máselesi qysqa merzimde sheshiletin syńaily.
