ايماق باسشىسى دانيال احمەتوۆ ٶسكەمەندەگٸ رەپرودۋكتيۆتٸ مەديتسينا ورتالىعىنىڭ جۇمىسىن سىنعا الدى.
9 شٸلدەدە كوروناۆيرۋسقا پتسر-تەستٸلەۋدەن ٶتكەن پاتسيەنتتەر ەلٸ كٷنگە دەيٸن تالداۋ نەتيجەلەرٸن الماعان. سونىڭ سالدارىنان فيزيو-پۋلمونولوگييا ورتالىعىنىڭ دەرٸگەرلەرٸ ناۋقاسقتارعا تيٸستٸ ەم تاعايىنداي الماي, ولاردى نە ينفەكتسييالىق ستاتسيونارعا نە جاعدايىن باقىلاي وتىرىپ, ونى ٷيگە جٸبەرۋگە بولاتىنىن انىقتاي الماي وتىر.
ولاردىڭ بارلىعى قازٸر پروۆيزورلىق ستاتسيوناردا جاتىر, سەبەبٸ ۆيرۋستى جۇقتىرعانداردىڭ بار-جوعى بەلگٸسٸز.
- بٸز تالداۋدى بٸردەن الامىز. سودان كەيٸن, رەپرودۋكتيۆتٸ مەديتسينا ورتالىعىنا جٸبەرەمٸز. بٸراق 9 شٸلدەدەن باستاپ بٸزگە كەلٸپ تٷسكەن بارلىق پاتسيەنتتەردٸڭ تەست نەتيجەلەرٸ ەلٸ كٷنگە دەيٸن كەلگەن جوق. بٸز زەرتحاناعا بٸرنەشە رەت قوڭىراۋ شالدىق, الايدا جاعداي ٶزگەرگەن جوق. ناۋقاستار كەلٸپ جاتىر, تەست نەتيجەلەرٸ بولماعاندىقتان بٸز ولارعا تيٸستٸ ەمدٸ قولدانا المايمىز, - دەدٸ فيزيو-پۋلمونولوگييا ورتالىعىنىڭ باس دەرٸگەرٸنٸڭ ورىنباسارى لەيلا امريەۆا.
بۇل اقپاراتتى ەستٸگەن وبلىس باسشىسى دانيال احمەتوۆ مەملەكەتتٸك مەكەمەلەردٸڭ الدىندا ٶزدەرٸنٸڭ كەلٸمشارتتىق مٸندەتتەرٸن دۇرىس ورىندامايتىن زەرتحانالاردىڭ مەسەلەسٸ قر دەنساۋلىق ساقتاۋ مينيسترلٸگٸ دەڭگەيٸندە شەشٸلەتٸندٸگٸن ايتتى. ولار ليتسەنزييالارىنان ايىرىلۋى مٷمكٸن.
ەستەرٸڭٸزگە سالا كەتەيٸك, پاندەمييا باستالعاننان بەرٸ وبلىستىڭ 180 مىڭنان استام تۇرعىنى پتسر تەستٸلەۋ مەن ەكسپرەسس-اناليز تاپسىردى. ٶڭٸردە تەستٸلەۋ جاسايتىن ماتەريالدار جەتكٸلٸكتٸ, مەسەلە زەرتحانالاردىڭ سالعىرتتىعىندا.
تەست نەتيجەلەرٸ ۋاقىتىلى دايىن بولعان جاعدايدا, پروۆيزورلىق ستاتسيونارلاردا جاتقان ناۋقاستار سانىن ازايار ەدٸ, ٶيتكەنٸ جرۆي نەمەسە پنەۆمونييامەن تٷسكەن ( جاعدايى جەڭٸل ) ناۋقاستاردى ٷيگە, قالعاندارىن باسقا دا مەديتسينالىق مەكەمەلەرگە جٸبەرەر ەدٸ. جاۋاپكەرشٸلٸگٸ جوق زەرتحانالار مەسەلەسٸ قىسقا مەرزٸمدە شەشٸلەتٸن سىڭايلى.
