«Óńirimizdegi úzdik tórt dáriger – Bekjan Býlanov, Nurgúl Barkibaeva, Farida Tusynbaeva, Muhamedhan Musabekov koronavirýs infektsiiasymen kúreste maidannyń aldyńǵy shebinde júrdi.
Olardyń árqaisysy naýqastarǵa kómektesýge umtylyp, óz ómirine tóngen qaterden qoryqpady. Úi betin bermei jumys isteidi. Qiyndyqqa kóndi. Sharshap-shaldyqsa da shydap baqty. Óziniń bar qajyr-qairatyn adam ómirin aman alyp qalýǵa jumsady.
Biz, ShQO óńiriniń turǵyndary dárigerlerimizdiń erligin eshqashan umytpaimyz. Olardyń esimi el esinde», – dedi Danial Ahmetov.
II dárejeli «Barys» ordeni Semei meditsinalyq ýniversitetine qarasty ýniversitettik aýrýhananyń júrek-qan tamyrlary hirýrgiiasy bóliminiń meńgerýshisi, angiohirýrg Bulanov Bekjan Serikbosynulyna berildi.
Bekjan Serikbosynuly Býlanov joǵary sanatty kardiohirýrg, angiohirýrg Ortalyq Aziia men Qazaqstannyń júrek-qan tamyrlary hirýrgtary assotsiatsiiasynyń, Reseilik tamyrly hirýrgtar qoǵamynyń, Qazaqstannyń kardiotorakaldyq hirýrgtar qoǵamynyń jáne Eýropalyq kardiohirýrgtar qaýymdastyǵynyń múshesi boldy. Júrek-qan tamyrlary júiesinde meditsinalyq hirýrgiialyq protsedýralardy oryndaýdyń praktikalyq daǵdylaryn jetik meńgergen, arteriialyq júie men júrekke kúrdeli operatsiialar jasaǵan tájiribesi mol dáriger bolǵan. Onyń meditsinalyq zertteý nátijeleri 30-dan astam avtorlyq ǵylymi jumystarǵa usynylyp, jaryq kórdi.
«Qurmet» ordeni gastroenterologiia salasyndaǵy jetekshi maman, Semei qalasyndaǵy Memlekettik meditsinalyq ýniversitetiniń ýniversitettik aýrýhanasynyń gastroenterologiia bóliminiń joǵary sanatty dárigeri – Barkibaeva Nurgúl Ramazanqyzyna berildi.
Únemi ǵylymi izdenis júrgen bilikti dáriger ishki aǵzalar patologiiasyn tereń zerdelep, óz eńbekterin densaýlyq saqtaý isinde engize bildi. Nazgúl Barkibaeva 150-den astam ǵylymi maqalalardyń, bes ratsionalizatorlyq usynystardyń, innovatsiialyq patentterdiń, úsh ádistemelik eńbektiń avtory.
«Qurmet» ordenimen Semei qalasynyń №4 emhanasynyń endokrinology Farida Qaisenqyzy Týsýnbaevanyń týystary marapattaldy. Áriptesteriniń aitýynsha, Farida Qaisenqyzy joǵary bilikti maman, jaýapkershiligi mol, eńbekqor jáne árdaiym klinikanyń qoǵamdyq ómirine belsendi qatysqan kásibi dáriger bolatyn. 2015 jyly zeinetkerlikke shyqqannan keiin de óz jumysyn jalǵastyryp keldi. Koronavirýstyq pandemiia kezinde óziniń arteriialyq gipertenziia syrqatyna qaramastan, ol qant diabeti, endokrindi patologiiasy jáne insýlinge táýeldi naýqastardy qabyldap, kómek kórsetti.
«Qurmet» ordenimen Kókpekti aýdandyq aýrýhanasynyń oftalmology Muhamedhan Altynqanuly Musabekov marapattaldy. Eńbek jolyn Besqaraǵai aýdandyq aýrýhanasynda oftalmolog qyzmetinen bastap, emhanada, «Barlyk Arasan» sanatoriiasynda, Kókpekti aýdanynyń ortalyq aýdandyq aýrýhanasynda oftalmolog bolyp jumys istedi. 2013 jyly zeinetke shyqqanmen, oftalmolog retinde jumysyn jalǵastyra berdi. Áriptesteri dárigerdi saýatty kásibi maman retinde sipattaidy.
