Ahmedjanov: «Jaiaý júrginshiler jolynyń boiyna qurylys júrgizýge tyiym salyndy»
Búgin qalalyq máslihattyń VII shaqyrylymdaǵy kezekten tys VI sessiiasynda Almaty ákimi Baqytjan Saǵyntaevtyń tapsyrmasy boiynsha ázirlengen «Qalanyń sáýlettik kelbetin qalyptastyrý jáne qala qurylysyn josparlaý erejeleri» qabyldandy.
Jańa erejeler boiynsha jaiaý júrginshiler jolynyń boiynda kópqabatty úiler salýǵa, evakýatsiialyq shyǵýǵa kedergi kedergi keltiretin nysandar salýǵa tyiym salynady. Sonymen qatar, mektepke deiingi bilim berý jáne jalpy bilim berý uiymdaryn kiriktirilgen nysandar men 12 qabattan joǵary kópqabatty úilerde, sondai-aq jer astyna jáne qosalqy salynǵan avtoturaqtardyń ústinnen qurylys júrgizýge jol berilmeidi.
A. Ahmedjanov Almaty qalasynyń aýmaǵynda, qala qurylysyn arnaiy retteý aimaqtarynan tys jerlerde turǵyn jáne turǵyn emes ǵimarattardy jobalaý jáne salý kezinde olar negizgi kóshelerdiń qyzyl syzyqtarynan keminde 6 metr qashyqtyqta, al jergilikti joldardyń keminde 3 metr alshaq ornalasýy tiis ekeni týraly aitty.
Osy talaptardyń oryndalýy qurylysty jobalaý kezeńinde baqylanady.
Jańa erejelerge sáikes, ázirleýshiler arhitektýralyq imidjge ǵana emes, sonymen qatar avtoturaqtardy, biryńǵai stildegi shaǵyn arhitektýralyq pishinderdi, múmkindigi shekteýli adamdar úshin kedergisiz ótý aimaqtaryn, oryndyqtardy, ýrnalardy, gúl alańdary, balalardyń oiyn alańdaryn jasaýlary tiis. Budan ózge, jaily jaǵdailar jasaý úshin aýlalardy jaryqtandyrý, demalys aimaqtary men kommýnaldyq alańdardy qurý jónindegi talaptar mindetteledi.
