بۇگىن قالالىق ءماسليحاتتىڭ VIءى شاقىرىلىمداعى كەزەكتەن تىس VI سەسسياسىندا الماتى اكىمى باقىتجان ساعىنتايەۆتىڭ تاپسىرماسى بويىنشا ازىرلەنگەن «قالانىڭ ساۋلەتتىك كەلبەتىن قالىپتاستىرۋ جانە قالا قۇرىلىسىن جوسپارلاۋ ەرەجەلەرى» قابىلداندى.
جاڭا ەرەجەلەر بويىنشا جاياۋ جۇرگىنشىلەر جولىنىڭ بويىندا كوپقاباتتى ۇيلەر سالۋعا، ەۆاكۋاسيالىق شىعۋعا كەدەرگى كەدەرگى كەلتىرەتىن نىساندار سالۋعا تىيىم سالىنادى. سونىمەن قاتار، مەكتەپكە دەيىنگى ءبىلىم بەرۋ جانە جالپى ءبىلىم بەرۋ ۇيىمدارىن كىرىكتىرىلگەن نىساندار مەن 12 قاباتتان جوعارى كوپقاباتتى ۇيلەردە، سونداي-اق جەر استىنا جانە قوسالقى سالىنعان اۆتوتۇراقتاردىڭ ۇستىننەن قۇرىلىس جۇرگىزۋگە جول بەرىلمەيدى.
ا. احمەدجانوۆ الماتى قالاسىنىڭ اۋماعىندا، قالا قۇرىلىسىن ارنايى رەتتەۋ ايماقتارىنان تىس جەرلەردە تۇرعىن جانە تۇرعىن ەمەس عيماراتتاردى جوبالاۋ جانە سالۋ كەزىندە ولار نەگىزگى كوشەلەردىڭ قىزىل سىزىقتارىنان كەمىندە 6 مەتر قاشىقتىقتا، ال جەرگىلىكتى جولداردىڭ كەمىندە 3 مەتر الشاق ورنالاسۋى ءتيىس ەكەنى تۋرالى ايتتى.
وسى تالاپتاردىڭ ورىندالۋى قۇرىلىستى جوبالاۋ كەزەڭىندە باقىلانادى.
جاڭا ەرەجەلەرگە سايكەس، ازىرلەۋشىلەر ارحيتەكتۋرالىق يميدجگە عانا ەمەس، سونىمەن قاتار اۆتوتۇراقتاردى، ءبىرىڭعاي ستيلدەگى شاعىن ارحيتەكتۋرالىق پىشىندەردى، مۇمكىندىگى شەكتەۋلى ادامدار ءۇشىن كەدەرگىسىز ءوتۋ ايماقتارىن، ورىندىقتاردى، ۋرنالاردى، گۇل الاڭدارى، بالالاردىڭ ويىن الاڭدارىن جاساۋلارى ءتيىس. بۇدان وزگە، جايلى جاعدايلار جاساۋ ءۇشىن اۋلالاردى جارىقتاندىرۋ، دەمالىس ايماقتارى مەن كوممۋنالدىق الاڭداردى قۇرۋ جونىندەگى تالاپتار مىندەتتەلەدى.
