Osyǵan deiin tótenshe jaǵdai salasyn basqarǵa Iýrii Ilinniń órt sóndirýshilerdiń qandai tehnika jetispeitinin aityp, Parlament qabyrǵasynda dabyl qaqqanyn kórgen de, estigen de emespiz.
Aýyl-aimaqta qańtarylyp turǵan órt sóndirý mashinalardyń kópshiligi Keńes zamanynda paidalanýǵa berilgen eski «Zilder» men «Kamazdar» ekeni jasyrýdyń jóni joq. Olar yńyranyp, oqiǵa ornyna jetkenshe talai jerdi qyzyl jalyn jalmap úlgeredi.
Sodan keiin ebedeisiz Reseidiń órt sóndirýshi kólikterin alýdy toqtatý kerek. Olardyń ornyna órt bolyp jatqan jerge qustai ushyp jetetin Batystyń tehnikasyn alǵan lázim. Eń bolmaǵanda Qytaidyń tehnikalarymen almastyrsaq bolady. Bul rette tótenshe jaǵdai qyzmeti kúshtik qurylymdardan aqyl-keńes alýyna bolady.
Nazarbaev rejiminiń aiaqtalar kezeńinde jergilikti bilik oryndary sherýge shyqqan halyqqa qarsy paidalanatyn avtozaktardy kóbirek satyp alǵany belgili.
Eger jergilikti bilik oryndary avtozak emes, zaman talabyna sai órt sóndirý kólikterin satyp alǵanda, Abai oblysyndaǵy orman órti bulaisha myńdaǵan gektar jerdi sharpymas edi.
2022 jyly Qazaqstannyń Ulttyq gvardiiasy quny 32 mln turatyn avtozak pen baǵasy 58 mln teńge turatyn birneshe avtobýs satyp alý úshin 500 mln teńge shyǵyndapty. Budan basqa kúshtik qurylym jasaqty qorǵaityn temir qalqan men arnai úiretilgen itterdi satyp alýdy da nazardan tys qaldyrmaǵan.
Aitpaqshy, Almaty qalasy Politsiia depratmenti 2020 jyly shaǵyn avtozaktardy 20 mln teńgeden satyp alǵan. Al Ulttyq gvardiianyń ár avtozak úshin 32 mln teńge shyǵyndapty.
Sol kezde satyp alynǵan avtozakty bir danasy Abai oblysynyń Semei qalasyna jóneltilipti. Shirkin, sol kezde bir avtozakty ornyna bir órt sóndirý mashinasy jiberilgende qandai jaqsy bolar edi. syndaida erkisiz bas barmaǵyńdy shainaisyń ǵoi.
Kúshtik qurylymdarǵa qajetti GAZ S41R13 dep atalatyn avtozaktardy Semeidegi «SemAZ» kompaniiasy qurastyryp berýi tiis bolǵan.
Nesin aitasyz, Nazarbaev rejimi óz biligin saqtap qalý úshin arnaiy jasaqtan aqsha aiamady. Aitalyq, bir ǵana Almaty qalasyndaǵy arnaiy jasaqty qorǵaný úshin 1728 temir qalqan satyp alyp, ol úshin 140 mln teńge shyǵyndaǵan.
Mundai avtozaktar men qorǵanys quraldaryn jergilikti jerdegi politsiia departamentteri de satyp alǵany jasyryn emes.
Máselen, 2020 jyly Almaty qalasy Politsiia departamenti ártúrli 23 arnaiy tehnikany satyp alyp, oǵan 230,8 mln teńge jumsaǵan. Almatylyq quqyq qorǵaý organdary jumystary tiimdiligin arttyrý úshin Eýropada qurastyrylatyn Iveco Daily fýrgondaryn satyp alǵanyn aita ketýimiz kerek.
Al 2022 jyly Soltústik Qazaqstan oblysynyń politseileri de almatylyq áriptesterinen qalyspai 17 avtozak satyp alǵan. Aitpaqshy, Soltsútik Qazaqstan oblysynyń politseileri jaily Hyundai-dyń bazasynda jasalǵan avtozaktardy sottalǵan qylmyskerlderdi ary-beri tasymaldaý úshin memlekettiń 490 mln teńgesin jumsapty. Osylaisha qylmyskerlerdi bir orynnan ekinshi orynǵa «kamfort» jaǵdai jetkizýge basa mán berilipti.
Iá, bul aralyqta tótenshe jaǵdai qyzmeti eshqandai tehnika satyp almady dep aýyzdy qý shóppen súrtsek orynsyz bolary anyq. Biraq olardyń satyp alǵan jetkiliksiz ekeni jasyryn emes. Órt sóndirýge kelgen azamattardyń tehnikasymen kigen ýniformalaryn kórgende jylap jibergiń keledi.
Al sherýdi basatyn arnaiy jasaqty formalary kórgende kóziń jainap ketedi. Mundai jabdyq pen formany Batys elderiniń keibirinde joq bolýy múmkin. Elimizde durys saiasat júrse, bizge arnaiy jasaqty túkke de qajeti joq. Memleketimizdiń qaýipsizdigin ásker men tótenshe jaǵdai qyzmeti qamtamasyz etetinin eshqashan esten shyǵarmaiyq.
