وسىعان دەيىن توتەنشە جاعداي سالاسىن باسقارعا يۋريي ءيليننىڭ ءورت سوندىرۋشىلەردىڭ قانداي تەحنيكا جەتىسپەيتىنىن ايتىپ، پارلامەنت قابىرعاسىندا دابىل قاققانىن كورگەن دە، ەستىگەن دە ەمەسپىز.
اۋىل-ايماقتا قاڭتارىلىپ تۇرعان ءورت ءسوندىرۋ ماشينالاردىڭ كوپشىلىگى كەڭەس زامانىندا پايدالانۋعا بەرىلگەن ەسكى «زيلدەر» مەن «كامازدار» ەكەنى جاسىرۋدىڭ ءجونى جوق. ولار ىڭىرانىپ، وقيعا ورنىنا جەتكەنشە تالاي جەردى قىزىل جالىن جالماپ ۇلگەرەدى.
سودان كەيىن ەبەدەيسىز رەسەيدىڭ ءورت ءسوندىرۋشى كولىكتەرىن الۋدى توقتاتۋ كەرەك. ولاردىڭ ورنىنا ءورت بولىپ جاتقان جەرگە قۇستاي ۇشىپ جەتەتىن باتىستىڭ تەحنيكاسىن العان ءلازىم. ەڭ بولماعاندا قىتايدىڭ تەحنيكالارىمەن الماستىرساق بولادى. بۇل رەتتە توتەنشە جاعداي قىزمەتى كۇشتىك قۇرىلىمداردان اقىل-كەڭەس الۋىنا بولادى.
نازاربايەۆ رەجيمىنىڭ اياقتالار كەزەڭىندە جەرگىلىكتى بيلىك ورىندارى شەرۋگە شىققان حالىققا قارسى پايدالاناتىن اۆتوزاكتاردى كوبىرەك ساتىپ العانى بەلگىلى.
ەگەر جەرگىلىكتى بيلىك ورىندارى اۆتوزاك ەمەس، زامان تالابىنا ساي ءورت ءسوندىرۋ كولىكتەرىن ساتىپ العاندا، اباي وبلىسىنداعى ورمان ءورتى بۇلايشا مىڭداعان گەكتار جەردى شارپىماس ەدى.
2022 جىلى قازاقستاننىڭ ۇلتتىق گۆاردياسى قۇنى 32 ملن تۇراتىن اۆتوزاك پەن باعاسى 58 ملن تەڭگە تۇراتىن بىرنەشە اۆتوبۋس ساتىپ الۋ ءۇشىن 500 ملن تەڭگە شىعىنداپتى. بۇدان باسقا كۇشتىك قۇرىلىم جاساقتى قورعايتىن تەمىر قالقان مەن ارناي ۇيرەتىلگەن يتتەردى ساتىپ الۋدى دا نازاردان تىس قالدىرماعان.
ايتپاقشى، الماتى قالاسى پوليسيا دەپراتمەنتى 2020 جىلى شاعىن اۆتوزاكتاردى 20 ملن تەڭگەدەن ساتىپ العان. ال ۇلتتىق گۆارديانىڭ ءار اۆتوزاك ءۇشىن 32 ملن تەڭگە شىعىنداپتى.
سول كەزدە ساتىپ الىنعان اۆتوزاكتى ءبىر داناسى اباي وبلىسىنىڭ سەمەي قالاسىنا جونەلتىلىپتى. شىركىن، سول كەزدە ءبىر اۆتوزاكتى ورنىنا ءبىر ءورت ءسوندىرۋ ماشيناسى جىبەرىلگەندە قانداي جاقسى بولار ەدى. سىندايدا ەركىسىز باس بارماعىڭدى شاينايسىڭ عوي.
كۇشتىك قۇرىلىمدارعا قاجەتتى گاز س41R13 دەپ اتالاتىن اۆتوزاكتاردى سەمەيدەگى «سەماز» كومپانياسى قۇراستىرىپ بەرۋى ءتيىس بولعان.
نەسىن ايتاسىز، نازاربايەۆ رەجيمى ءوز بيلىگىن ساقتاپ قالۋ ءۇشىن ارنايى جاساقتان اقشا ايامادى. ايتالىق، ءبىر عانا الماتى قالاسىنداعى ارنايى جاساقتى قورعانۋ ءۇشىن 1728 تەمىر قالقان ساتىپ الىپ، ول ءۇشىن 140 ملن تەڭگە شىعىنداعان.
مۇنداي اۆتوزاكتار مەن قورعانىس قۇرالدارىن جەرگىلىكتى جەردەگى پوليسيا دەپارتامەنتتەرى دە ساتىپ العانى جاسىرىن ەمەس.
ماسەلەن، 2020 جىلى الماتى قالاسى پوليسيا دەپارتامەنتى ءارتۇرلى 23 ارنايى تەحنيكانى ساتىپ الىپ، وعان 230،8 ملن تەڭگە جۇمساعان. الماتىلىق قۇقىق قورعاۋ ورگاندارى جۇمىستارى تيىمدىلىگىن ارتتىرۋ ءۇشىن ەۋروپادا قۇراستىرىلاتىن Iveco Daily فۋرگوندارىن ساتىپ العانىن ايتا كەتۋىمىز كەرەك.
ال 2022 جىلى سولتۇستىك قازاقستان وبلىسىنىڭ پوليسەيلەرى دە الماتىلىق ارىپتەستەرىنەن قالىسپاي 17 اۆتوزاك ساتىپ العان. ايتپاقشى، سولتسۇتىك قازاقستان وبلىسىنىڭ پوليسەيلەرى جايلى Hyundai-دىڭ بازاسىندا جاسالعان اۆتوزاكتاردى سوتتالعان قىلمىسكەرلدەردى ارى-بەرى تاسىمالداۋ ءۇشىن مەملەكەتتىڭ 490 ملن تەڭگەسىن جۇمساپتى. وسىلايشا قىلمىسكەرلەردى ءبىر ورىننان ەكىنشى ورىنعا «كامفورت» جاعداي جەتكىزۋگە باسا ءمان بەرىلىپتى.
ءيا، بۇل ارالىقتا توتەنشە جاعداي قىزمەتى ەشقانداي تەحنيكا ساتىپ المادى دەپ اۋىزدى قۋ شوپپەن سۇرتسەك ورىنسىز بولارى انىق. ءبىراق ولاردىڭ ساتىپ العان جەتكىلىكسىز ەكەنى جاسىرىن ەمەس. ءورت سوندىرۋگە كەلگەن ازاماتتاردىڭ تەحنيكاسىمەن كيگەن ۋنيفورمالارىن كورگەندە جىلاپ جىبەرگىڭ كەلەدى.
ال شەرۋدى باساتىن ارنايى جاساقتى فورمالارى كورگەندە كوزىڭ جايناپ كەتەدى. مۇنداي جابدىق پەن فورمانى باتىس ەلدەرىنىڭ كەيبىرىندە جوق بولۋى مۇمكىن. ەلىمىزدە دۇرىس ساياسات جۇرسە، بىزگە ارنايى جاساقتى تۇككە دە قاجەتى جوق. مەملەكەتىمىزدىڭ قاۋىپسىزدىگىن اسكەر مەن توتەنشە جاعداي قىزمەتى قامتاماسىز ەتەتىنىن ەشقاشان ەستەن شىعارمايىق.
