Astanada uiymdasqan qylmystyq toptyń qatysýshylary qarjy piramidasyn qurǵany jáne alaiaqtyq jasaǵany úshin sottaldy, dep habarlaidy dalanews.kz.
Sotta qylmystyq top quramynda 10-nan asa adam bolǵany jáne olardyń árqaisynyń ózara naqty bólingen mindeti bolǵany anyqtaldy.
Top músheleri azamattardy 1 mln teńgeden 2 mln teńgege deiin aqshalai syiaqy tólenetinine sendirip, avtokredit rásimdeýge kóndirgen. Sonymen qatar, nesie boiynsha mindettemelerdi ózderi óteitinin ýáde etken.
Alynǵan kólikter zańsyz satylyp, olardyń bir bóligi Qazaqstan Respýblikasynyń aýmaǵynan tys jerlerge shyǵarylǵan. Qylmystyq áreket saldarynan 100-den asa azamat jábirlenýshi dep tanylyp, barlyǵy 165 kólik rásimdelgen.
Sot úkimimen kináliler uiymdasqan qylmystyq topty qurǵany jáne oǵan basshylyq jasaǵany, qarjy piramidasyn qurǵany jáne oǵan basshylyq jasaǵany, sondai-aq, alaiaqtyq jasaǵany úshin kináli dep tanylyp, 5 jyldan 8 jylǵa deiingi merzimderge bas bostandyǵynan aiyrý jazasyna sottaldy.
Sot úkimi zańdy kúshine engen joq.
