استانادا ۇيىمداسقان قىلمىستىق توپتىڭ قاتىسۋشىلارى قارجى پيراميداسىن قۇرعانى جەنە الاياقتىق جاساعانى ٷشٸن سوتتالدى, دەپ حابارلايدى dalanews.kz.
سوتتا قىلمىستىق توپ قۇرامىندا 10-نان اسا ادام بولعانى جەنە ولاردىڭ ەرقايسىنىڭ ٶزارا ناقتى بٶلٸنگەن مٸندەتٸ بولعانى انىقتالدى.
توپ مٷشەلەرٸ ازاماتتاردى 1 ملن تەڭگەدەن 2 ملن تەڭگەگە دەيٸن اقشالاي سىياقى تٶلەنەتٸنٸنە سەندٸرٸپ, اۆتوكرەديت رەسٸمدەۋگە كٶندٸرگەن. سونىمەن قاتار, نەسيە بويىنشا مٸندەتتەمەلەردٸ ٶزدەرٸ ٶتەيتٸنٸن ۋەدە ەتكەن.
الىنعان كٶلٸكتەر زاڭسىز ساتىلىپ, ولاردىڭ بٸر بٶلٸگٸ قازاقستان رەسپۋبليكاسىنىڭ اۋماعىنان تىس جەرلەرگە شىعارىلعان. قىلمىستىق ەرەكەت سالدارىنان 100-دەن اسا ازامات جەبٸرلەنۋشٸ دەپ تانىلىپ, بارلىعى 165 كٶلٸك رەسٸمدەلگەن.
سوت ٷكٸمٸمەن كٸنەلٸلەر ۇيىمداسقان قىلمىستىق توپتى قۇرعانى جەنە وعان باسشىلىق جاساعانى, قارجى پيراميداسىن قۇرعانى جەنە وعان باسشىلىق جاساعانى, سونداي-اق, الاياقتىق جاساعانى ٷشٸن كٸنەلٸ دەپ تانىلىپ, 5 جىلدان 8 جىلعا دەيٸنگٸ مەرزٸمدەرگە باس بوستاندىعىنان ايىرۋ جازاسىنا سوتتالدى.
سوت ٷكٸمٸ زاڭدى كٷشٸنە ەنگەن جوق.
