Armeniia premer-ministri Nikol Pashinian oppozitsiialyq «Armeniia» fraktsiiasynyń depýtaty Anna Grigoriannyń sóz bostandyǵy men jemqorlyqqa qatysty jariialanymdar jaily qoiǵan suraǵyna jaýap bergen kezde ózin ustai almai, emotsiiaǵa berildi, dep habarlaidy Dalanews.kz.
Úkimet saǵaty barysynda depýtat Anna Grigorian úkimetti toqtaýsyz jalǵasyp jatqan jemqorlyq daýlary, qaryzdar jáne komanda ishindegi jaýapsyzdyq úshin synǵa aldy.
"Shynymdy aitsam, BAQ-ta kún saiyn jemqorlyqtyń jańa faktileri shyǵyp jatqanda, ne úshin maqtanýǵa bolatynyn áli túsinbeimin. Eger osy jemqorlyq faktileri áshkerelense, sol kezde ǵana maqtanýǵa bolar edi", — dedi depýtat.
Oǵan jaýap retinde Pashinian bylai dedi:
"Eger biz baspasózdegi maqalalarǵa súiensek, sizdi baiaǵyda darǵa asyp, Armeniiadan qýyp jiberer edik. Siz týraly baspasóz ne jazyp jatyr, nege áli bostandyqta júrsiz? Siz týraly «sheteldik tyńshy» dep jazyp jatyr. Onda siz bul zalda ne istep otyrsyz? Eger men baspasózdegi jazbalarǵa súiensem, sizdi Ulttyq qaýipsizdik qyzmetiniń jerasty túrmesine tastaimyn. Sen birinshi bolyp sonda ketýiń kerek, ketesiń de.
Baspasóz siz týraly «sheteldik agentter», «besinshi kolonna», «yqpal agentteri» dep jazyp jatyr. Otyr, tynysh otyr, júikemdi tozdyrma. Men saǵan aittym ǵoi: aýzyńdy jap ta, tynysh otyr!" — dep ashýlana jaýap berdi Pashinian.
Osydan keiin zaldaǵy jaǵdai shielenisip, aiqai-shý bastaldy. Armeniia Ulttyq jinalysynyń spikeri tikelei efirdi óshirip tastady.
