Májilis depýtaty Ashat Aimaǵambetov «AMANAT» pen «Ádilet» partiialarynyń birigýi jaǵdaiynda partiianyń «Aýyl amanaty» jáne «Jer amanaty» siiaqty jobalarynyń bolashaǵyna qatysty pikir bildirdi, dep habarlaidy dalanews.kz.
Onyń aitýynsha, bul máselege qatysty naqty sheshimder birigý úderisi aiaqtalǵannan keiin belgili bolady.
«Bizde “Aýyl amanaty”, “Jer amanaty” siiaqty mańyzdy jobalar bar. Olardyń aldaǵy taǵdyryna qatysty qazir naqty jaýap berý qiyn. Ony biz osy úderiske aiaq basqannan keiin kóremiz. Qalai bolady, logikasy qandai bolady, rásimderi qalai júzege asady, onyń barlyǵyna der kezinde jaýap bolady dep sanaimyn. Bul óte mańyzdy bastama bolǵannan keiin úmit bar. Sondyqtan búgin naqty qorytyndy jasaýdan góri, aldymen birigý protsesiniń qalai aiaqtalatynyn kútý qajet», – dedi Aimaǵambetov.
Depýtattyń sózinshe, qazirgi tańda basty másele partiialardyń birigýine qatysty barlyq rásimderdi aiaqtaý. Al qoldanystaǵy baǵdarlamalar men jobalardyń bolashaǵy keiinirek jan-jaqty qaralatyn bolady.
