مەجٸلٸس دەپۋتاتى اسحات ايماعامبەتوۆ «AMANAT» پەن «ەدٸلەت» پارتييالارىنىڭ بٸرٸگۋٸ جاعدايىندا پارتييانىڭ «اۋىل اماناتى» جەنە «جەر اماناتى» سيياقتى جوبالارىنىڭ بولاشاعىنا قاتىستى پٸكٸر بٸلدٸردٸ, دەپ حابارلايدى dalanews.kz.
ونىڭ ايتۋىنشا, بۇل مەسەلەگە قاتىستى ناقتى شەشٸمدەر بٸرٸگۋ ٷدەرٸسٸ اياقتالعاننان كەيٸن بەلگٸلٸ بولادى.
«بٸزدە “اۋىل اماناتى”, “جەر اماناتى” سيياقتى ماڭىزدى جوبالار بار. ولاردىڭ الداعى تاعدىرىنا قاتىستى قازٸر ناقتى جاۋاپ بەرۋ قيىن. ونى بٸز وسى ٷدەرٸسكە اياق باسقاننان كەيٸن كٶرەمٸز. قالاي بولادى, لوگيكاسى قانداي بولادى, رەسٸمدەرٸ قالاي جٷزەگە اسادى, ونىڭ بارلىعىنا دەر كەزٸندە جاۋاپ بولادى دەپ سانايمىن. بۇل ٶتە ماڭىزدى باستاما بولعاننان كەيٸن ٷمٸت بار. سوندىقتان بٷگٸن ناقتى قورىتىندى جاساۋدان گٶرٸ, الدىمەن بٸرٸگۋ پروتسەسٸنٸڭ قالاي اياقتالاتىنىن كٷتۋ قاجەت», – دەدٸ ايماعامبەتوۆ.
دەپۋتاتتىڭ سٶزٸنشە, قازٸرگٸ تاڭدا باستى مەسەلە پارتييالاردىڭ بٸرٸگۋٸنە قاتىستى بارلىق رەسٸمدەردٸ اياقتاۋ. ال قولدانىستاعى باعدارلامالار مەن جوبالاردىڭ بولاشاعى كەيٸنٸرەك جان-جاقتى قارالاتىن بولادى.
