Aýyl sharýashylyǵy ministri Aidarbek Saparov Jetisý oblysyna jumys saparymen keldi. Ministr aýyl sharýashylyǵy taýaryn óndirýshilerimen kezdesý ótkizdi, – dep habarlaidy Dalanews.kz
Ministr Jetisý – elimizdegi aýyl sharýashylyǵy damyǵan negizgi óńirleriniń biri ekenin atap ótti. Munda aýyl sharýashylyǵy jalpy óńirlik ónimniń shamamen 13%-yn quraidy. Klimattyq jaǵdaidyń qolailylyǵy jáne Qytai Halyq Respýblikasyna geografiialyq jaqyndyǵy eksportqa baǵyttalǵan jobalardy júzege asyrýǵa úlken múmkindik beredi.
2025 jyly óńirde quny 29 mlrd teńge bolatyn agroónerkásiptik keshen boiynsha 9 investitsiialyq jobany iske asyrý josparlanǵan. Olardyń qatarynda bordaqylaý alańdaryn, qus fabrikasyn, jylyjaidy salý jáne et kombinatyn keńeitý bar. Jalpy respýblika boiynsha biyl AÓK salasynda 1 trln teńgeden asatyn 249 jobany júzege asyrý kózdelgen.
Kezdesý barysynda júgerini tereń qaita óńdeý perspektivalaryna erekshe kóńil bólindi. 2024 jyly óńirde 297 myń tonna júgeri jinalyp, onyń 135 myń tonnasy qaita óńdeldi, al 76,8 myń tonnasy eksporttaldy. Osyǵan bailanysty ministr Panfilov aýdanynda jańa qaita óńdeý kásipornyn salý múmkindigin qarastyrýdy usyndy.
Óńirdiń eksporttyq áleýeti joǵary, ásirese Qytai baǵytyna. 2023 jyly QHR-ǵa astyq jetkizý kólemi 5,5 ese artyp, 1,4 mln tonnaǵa jetti. 2024 jyldyń qyrkúieginen 2025 jyldyń sáýirine deiingi aralyqta jetkizý kólemi 27%-ǵa ósip, 1,859 mln tonnany qurady.
Qytai tarapymen 29 túrli ónim boiynsha ekijaqty hattamalarǵa qol qoiylýyna bailanysty jetkiziletin ónim túrlerin keńeitý jumystary jalǵasýda. Osyǵan orai, jetkiziletin ónim sapasyn arttyrý maqsatynda Alashankoý stantsiiasynda qazaqstan-qytai birlesken arbitrajdyq zerthanasyn qurý jobasy qarastyrylýda.
Sharýalar júgeri ósirýdi damytý, bilikti kadrlardyń jetispeýshiligi, ara sharýashylyǵyn damytý jáne ónimdi tereń óńdeý máselelerin kóterdi. Barlyq usynystar nazarǵa alynyp, jumysqa qabyldandy.
Ministr sondai-aq óńirdiń negizgi aýyl sharýashylyǵy kásiporyndarynyń qyzmetimen tanysty. Olardyń qatarynda júgeri ósirýmen ainalysatyn iri sharýashylyqtardyń biri – «Kóktal Agro» JShS bar. Bul sharýashylyq 2024 jyldan bastap SQO-nyń tájiribesin taratý baǵdarlamasy aiasynda 387 gektar jerge tamshylatyp sýarý jobasyn iske asyrýda. Sonymen qatar táýligine 15 tonna sút óndiretin sút fermasyna da bardy.
Jumys saparynyń mańyzdy nysandarynyń biri – «Jarkent krahmal-sirne zaýyty» JShS boldy. Júgerini tereń óńdeý boiynsha óńirdegi jetekshi kásiporyn jylyna 150 myń tonnaǵa deiin shikizat óńdei alady. 2024 jyly 100 myń tonna júgeri qabyldanyp, krahmal, sirne, júgeri maiy jáne qurama jem túrinde 72 myń tonna daiyn ónim shyǵaryldy. Biylǵy jyldyń alǵashqy tórt aiynda 23 578 tonna ónim óndirildi.
Ónimder Ortalyq Aziia elderine eksporttalady.
Aýyl sharýashylyǵy ministrligi qosylǵan quny joǵary óndiristerdi damytýǵa jáne eksporttyq áleýetti keńeitýge baǵyttalǵan agrarlyq sektordy qoldaý sharalaryn júzege asyrýdy jalǵastyrýda.
