Aýyldyq okrýginiń jalpy jer kólemi 19732 gektar bolsa, onyń 11771 gektary jaiylym, 3510 gektary sýarmaly jer, 4207 gektary tálimi egistik, 965 gektary baý-baqsha jáne 717 gektary eldi mekenniń jerleri. Búgingi tańda 767 agroqurylym tirkelip, jumys jasaýda.
Jibek joly aýyldyq okrýgi men Ózbekstan Respýblikasy arasyndaǵy shekaranyń uzyndyǵy 21,0 shaqyrymdy quraidy. Memlekettik shekara boiynda «Jibek joly» baqylap ótkizý pýnkti, «Krasnyi vodopad», «Qazyǵurt» zastavalary ornalasyp, memlekettik shekaranyń qaýipsizdigin qamtamasyz etýde.
Aǵymdaǵy jyly 1 mlrd 150 mln teńge kóleminde jeke kásipkerler esebinen investitsiia tartylyp «Altai ata» sport kesheni (50 mln teńge) jáne 446 oryndyq «Besjuldyz» balabaqshasy (1,1 mlrd teńge) ashyldy. Nátijesinde 68 adam turaqty jumyspen qamtyldy.
Aǵymdaǵy jyly Jibek joly aýyly 1,8 shaqyrym T.Berdimuratov kóshesine jáne S.Qaraqulova kóshesiniń 0,3 shaqyrymyna orta jóndeý jumystary júrgizildi.
Aýyldyq okrýgtegi 7 eldi meken tabiǵi gazben qamtylǵan.
Aýyldyq okrýgi ákimi apparatynyń uiymdastyrýmen Jańa turmys eldi mekeninde turǵyndar esebinen 5 kóshege jaryq shamdary ornalastyrylyp, qoldanylǵan jaryq aqysy turǵyndar esebinen tólenýde.
«Sybaǵa» baǵdarlamasy aiasynda 60 bas iri qara jáne «Altyn asyq» baǵdarlamasy arqyly 625 bas ýaq maldar túrlendirýde. Jaiylymdardy sýlandyrý maqsatynda 2 sharýaqojalyǵy esebinen invetitsiia tartylyp 2 qubyrly qudyqtar qazyldy.
Aǵymdaǵy jyly Jańa qurylys eldi mekenindegi Aǵanai kanalyn mehanikalyq tazalaýdan ótkizý úshin biýdjetten qarjy bólinip, mehenikalyq tazalaý jumystary júrgizildi. Nátijesinde 42,0 gektar jer qaita ainalymǵa qosyldy.
Aýyldyq okrýgte turmys jaǵdaiy tómen az qamtamasyz etilgen 2 otbasyǵa demeýshiler esebinen eki turǵyn úiler salynyp berildi.
«Dalanews» aqparat
