اۋىلدىق وكرۋگىنىڭ جالپى جەر كولەمى 19732 گەكتار بولسا، ونىڭ 11771 گەكتارى جايىلىم، 3510 گەكتارى سۋارمالى جەر، 4207 گەكتارى ءتالىمى ەگىستىك، 965 گەكتارى باۋ-باقشا جانە 717 گەكتارى ەلدى مەكەننىڭ جەرلەرى. بۇگىنگى تاڭدا 767 اگروقۇرىلىم تىركەلىپ، جۇمىس جاساۋدا.
جىبەك جولى اۋىلدىق وكرۋگى مەن وزبەكستان رەسپۋبليكاسى اراسىنداعى شەكارانىڭ ۇزىندىعى 21،0 شاقىرىمدى قۇرايدى. مەملەكەتتىك شەكارا بويىندا «جىبەك جولى» باقىلاپ وتكىزۋ پۋنكتى، «كراسنىي ۆودوپاد»، «قازىعۇرت» زاستاۆالارى ورنالاسىپ، مەملەكەتتىك شەكارانىڭ قاۋىپسىزدىگىن قامتاماسىز ەتۋدە.
اعىمداعى جىلى 1 ملرد 150 ملن تەڭگە كولەمىندە جەكە كاسىپكەرلەر ەسەبىنەن ينۆەستيسيا تارتىلىپ «التاي اتا» سپورت كەشەنى (50 ملن تەڭگە) جانە 446 ورىندىق «بەسجۇلدىز» بالاباقشاسى (1،1 ملرد تەڭگە) اشىلدى. ناتيجەسىندە 68 ادام تۇراقتى جۇمىسپەن قامتىلدى.
اعىمداعى جىلى جىبەك جولى اۋىلى 1،8 شاقىرىم ت.بەردىمۇراتوۆ كوشەسىنە جانە س.قاراقۇلوۆا كوشەسىنىڭ 0،3 شاقىرىمىنا ورتا جوندەۋ جۇمىستارى جۇرگىزىلدى.
اۋىلدىق وكرۋگتەگى 7 ەلدى مەكەن تابيعي گازبەن قامتىلعان.
اۋىلدىق وكرۋگى اكىمى اپپاراتىنىڭ ۇيىمداستىرۋمەن جاڭا تۇرمىس ەلدى مەكەنىندە تۇرعىندار ەسەبىنەن 5 كوشەگە جارىق شامدارى ورنالاستىرىلىپ، قولدانىلعان جارىق اقىسى تۇرعىندار ەسەبىنەن تولەنۋدە.
«تۇركىستان وبلىسى اگرو ونەركاساپتىك كەشەنى 2017-2021 جىلدارعا دامىتۋ» باعدارلاماسى شەڭبەرىندە 2018 جىلى ىسكە اسىرىلاتىن جۇمىستار تۋرالى ءۇش جاقتاما كەلىسىمدەگى جوسپار ءتۇزىلىپ بەكىتىلدى. جوسپارعا سايكەس جۇمىستار اتقارىلۋدا. 2018 جىلى اۋىل شارۋاشىلىق تاۋارلارىن وندىرەتىن اگروقۇرىلىمدار 342 گەكتار جەرگە داندىك جۇگەرى، 1053 گەكتار جەرگە كوكونىس، 101 گەكتار جەرگە باقشا، 1179 گەكتار جەرگە كارتوپ ەگىلىپ، مول ءونىم جينالدى. جىلىجاي كولەمى 2017 جىلمەن سالىستىرعاندا 4،13 گەكتارعا ۇلعايىپ، جالپى كولەمى 49،03 گەكتاردى قۇرادى.
«سىباعا» باعدارلاماسى اياسىندا 60 باس ءىرى قارا جانە «التىن اسىق» باعدارلاماسى ارقىلى 625 باس ۋاق مالدار تۇرلەندىرۋدە. جايىلىمداردى سۋلاندىرۋ ماقساتىندا 2 شارۋاقوجالىعى ەسەبىنەن ينۆەتيسيا تارتىلىپ 2 قۇبىرلى قۇدىقتار قازىلدى.
اعىمداعى جىلى جاڭا قۇرىلىس ەلدى مەكەنىندەگى اعاناي كانالىن مەحانيكالىق تازالاۋدان وتكىزۋ ءۇشىن بيۋدجەتتەن قارجى ءبولىنىپ، مەحەنيكالىق تازالاۋ جۇمىستارى جۇرگىزىلدى. ناتيجەسىندە 42،0 گەكتار جەر قايتا اينالىمعا قوسىلدى.
اۋىلدىق وكرۋگتە تۇرمىس جاعدايى تومەن از قامتاماسىز ەتىلگەن 2 وتباسىعا دەمەۋشىلەر ەسەبىنەن ەكى تۇرعىن ۇيلەر سالىنىپ بەرىلدى.
«Dalanews» اقپارات
