ShQO-da Glýbokoe aýdany Predgornoe aýylynda 21 jyldan astam ýaqyt boiy ara sharýashylyǵymen ainalysyp kele jatqan kásipker Aleksei Degtiarev búginde tek jergilikti naryqta ǵana emes, kórshi elderde de joǵary suranysqa ie tabiǵi bal óndirip keledi,- dep habarlaidy Dalanews.kz
Aleksei Degtiarevtiń kásibi aýyl kásipkerligin damytýǵa, óńirdiń ekonomikalyq ósimine jáne týristik tartymdylyǵyn arttyrýǵa zor úles qosyp otyr.
2024 jyly Aleksei Degtiarev óz kásibin keńeitip, krem-bal óndirisi men ónimderdi fasovkalaýǵa qajetti jabdyq satyp alý úshin «AMANAT» partiiasynyń filialyna júginedi. Partiiaǵa kelgen kásipker «Aýyl amanaty» baǵdarlamasy týraly estip oǵan qatysatyndyǵyn jetkizedi. Arada kóp ýaqyt ótpei tiisti qujattardy jinaqtap baǵdarlamanyń qatysýshysy atanady.
«Aýyl amanaty» siiaqty naqty baǵdarlamalar arqyly qoldaý bildirý aýyl kásipkerlerine jańa múmkindikter syilap, týǵan ólkeleriniń damýyna úles qosýǵa jol ashady.Meniń uzaq ýaqyt oiyma alyp bastai almai júrgen isime osy baǵdarlamanyń igiligi tidi desem artyq bolmas edi»,- deidi kásipker Aleksei Degtiarev.
«Aýyl amanaty» baǵdarlamasy aýyldaǵy kásipkerdiń ara sharýashylyǵyna jańa serpin beredi. Qazirgi tańda onyń sharýashylyǵy tek bal óndirisimen shektelmei, aýyldyq týrizmniń damýyna da úles qosýda. Munda kelýshiler tabiǵi baldy omartadan satyp alyp qana qoimai, ara sharýashylyǵymen jaqynyraq tanysý múmkindigine ie bolýda.
«Aýyldyq jerlerdegi kásipkerler «Aýyl amanaty» baǵdarlamasynyń tiimdi tustaryn kóp aitady. Kásip bastaiym degen azamat úshin 2,5 paiyzben nesie berilýi bul úlken múmkindik dep esepteimin. Bizdiń partiiamyz jergilikti jerlerdegi kásipkerlerdi barynsha jan-jaqty qoldaityn bolady»,- deidi «AMANAT» partiiasy Glýbokoe aýdandyq filialynyń tóraǵasy Anna Kýznetsova.
«AMANAT» partiiasynyń bastamasymen qolǵa alynǵan «Aýyl amanaty» baǵdarlamasy elimizdiń aýyl turǵyndaryna óz armandaryn júzege asyrýǵa, jańa naryqtarǵa shyǵýǵa jáne aýyl sharýashylyǵynyń jańǵyrýyna úles qosýǵa múmkindik beredi. Mundai baǵdarlamalar aýyldyq kásipkerlikti qoldap, jergilikti ekonomikanyń turaqty damýyna yqpal etedi.
