شقو-دا گلۋبوكوە اۋدانى پرەدگورنوە اۋىلىندا 21 جىلدان استام ۋاقىت بويى ارا شارۋاشىلىعىمەن اينالىسىپ كەلە جاتقان كاسىپكەر الەكسەي دەگتياريەۆ بۇگىندە تەك جەرگىلىكتى نارىقتا عانا ەمەس، كورشى ەلدەردە دە جوعارى سۇرانىسقا يە تابيعي بال ءوندىرىپ كەلەدى،- دەپ حابارلايدى Dalanews.kz
الەكسەي دەگتياريەۆتىڭ كاسىبى اۋىل كاسىپكەرلىگىن دامىتۋعا، ءوڭىردىڭ ەكونوميكالىق وسىمىنە جانە تۋريستىك تارتىمدىلىعىن ارتتىرۋعا زور ۇلەس قوسىپ وتىر.
2024 جىلى الەكسەي دەگتياريەۆ ءوز كاسىبىن كەڭەيتىپ، كرەم-بال ءوندىرىسى مەن ونىمدەردى فاسوۆكالاۋعا قاجەتتى جابدىق ساتىپ الۋ ءۇشىن «AMANAT» پارتياسىنىڭ فيليالىنا جۇگىنەدى. پارتياعا كەلگەن كاسىپكەر «اۋىل اماناتى» باعدارلاماسى تۋرالى ەستىپ وعان قاتىساتىندىعىن جەتكىزەدى. ارادا كوپ ۋاقىت وتپەي ءتيىستى قۇجاتتاردى جيناقتاپ باعدارلامانىڭ قاتىسۋشىسى اتانادى.
«اۋىل اماناتى» سياقتى ناقتى باعدارلامالار ارقىلى قولداۋ ءبىلدىرۋ اۋىل كاسىپكەرلەرىنە جاڭا مۇمكىندىكتەر سىيلاپ، تۋعان ولكەلەرىنىڭ دامۋىنا ۇلەس قوسۋعا جول اشادى.مەنىڭ ۇزاق ۋاقىت ويىما الىپ باستاي الماي جۇرگەن ىسىمە وسى باعدارلامانىڭ يگىلىگى ءتيدى دەسەم ارتىق بولماس ەدى»،- دەيدى كاسىپكەر الەكسەي دەگتياريەۆ.
«اۋىل اماناتى» باعدارلاماسى اۋىلداعى كاسىپكەردىڭ ارا شارۋاشىلىعىنا جاڭا سەرپىن بەرەدى. قازىرگى تاڭدا ونىڭ شارۋاشىلىعى تەك بال وندىرىسىمەن شەكتەلمەي، اۋىلدىق ءتۋريزمنىڭ دامۋىنا دا ۇلەس قوسۋدا. مۇندا كەلۋشىلەر تابيعي بالدى ومارتادان ساتىپ الىپ قانا قويماي، ارا شارۋاشىلىعىمەن جاقىنىراق تانىسۋ مۇمكىندىگىنە يە بولۋدا.
«اۋىلدىق جەرلەردەگى كاسىپكەرلەر «اۋىل اماناتى» باعدارلاماسىنىڭ ءتيىمدى تۇستارىن كوپ ايتادى. كاسىپ باستايىم دەگەن ازامات ءۇشىن 2،5 پايىزبەن نەسيە بەرىلۋى بۇل ۇلكەن مۇمكىندىك دەپ ەسەپتەيمىن. ءبىزدىڭ پارتيامىز جەرگىلىكتى جەرلەردەگى كاسىپكەرلەردى بارىنشا جان-جاقتى قولدايتىن بولادى»،- دەيدى «AMANAT» پارتياسى گلۋبوكوە اۋداندىق فيليالىنىڭ ءتوراعاسى اننا كۋزنەسوۆا.
«AMANAT» پارتياسىنىڭ باستاماسىمەن قولعا الىنعان «اۋىل اماناتى» باعدارلاماسى ەلىمىزدىڭ اۋىل تۇرعىندارىنا ءوز ارماندارىن جۇزەگە اسىرۋعا، جاڭا نارىقتارعا شىعۋعا جانە اۋىل شارۋاشىلىعىنىڭ جاڭعىرۋىنا ۇلەس قوسۋعا مۇمكىندىك بەرەدى. مۇنداي باعدارلامالار اۋىلدىق كاسىپكەرلىكتى قولداپ، جەرگىلىكتى ەكونوميكانىڭ تۇراقتى دامۋىنا ىقپال ەتەدى.
