Altai aýdany, Maleevsk aýylynda týrizmdi damytý maqsatynda 2024 jyly aýyl turǵyny Aleksandr Kataev «Aýyl amanaty» baǵdarlamasy arqyly 2,5% jeńildetilgen nesie rásimdep, aýylda monsha men demalýshylarǵa arnalǵan oryn ashty,- dep habarlaidy Dalanews.kz
Qazirgi tańda eki qonaqúidiń qurylysy qarqyndy júrip jatyr.
«Bul baǵdarlama bizge úlken múmkindik berdi. Nesie sharttary óte yńǵaily, paiyzy tómen. Bul aýylda biznes bastaimyn degender úshin keremet qoldaý. Men óz aýylymnyń týrizm salasynyń damýyna úles qosa otyryp, kásip bastaýdamyn" – deidi Aleksandr Kataev.
«AMANAT» partiiasynyń aýyl turǵyndarynyń ál-aýqatyn arttyrýǵa baǵyttalǵan aýqymdy baǵdarlamasy. Bul bastama shaǵyn jáne orta biznesti damytýǵa, jumys oryndaryn ashýǵa, aýyl sharýashylyǵyn qoldaýǵa zor múmkindik beredi. Jeńildetilgen nesie aýyl kásipkerlerine óz isin ashýǵa jáne damytýǵa naqty qoldaý bolýda.
«Aýyl amanaty» aiasynda aýyl sharýashylyq salasynda da aýqymdy jumystar júrgizilýde. Aýdanymyz boiynsha aýyl sharýashylyq ónimderin óndirý jáne óńdeý, aýyl sharýashylyq tehnikasyn satyp alý siiaqty jobalarǵa «Aýyl amanaty» baǵdarlamasy arqyly 2,5%-ben 133 mln teńge kóleminde 9 adam nesie alyp, kásip bastaýda," – dep atap ótti «AMANAT» partiiasynyń Altai aýdandyq filialynyń tóraǵasy Daniiar Ahmetov.
