Sotta aiyptalýshy Mashrapbek Baratov bul áreketti aldyn ala josparlamaǵanyn aitty. Onyń sózinshe, sol kúni ol áýejaida kezdeisoq paida bolyp, qatty kúizeliste júrgenin jetkizdi, dep habarlaidy Dalanews.kz.
Ol riýkzakta eski asúi pyshaǵy bolǵanyn rastady. Buryn sol pyshaqpen konservi ashyp júrgenin, al “bomba bar” degen sózdi úrei ústinde aityp qalǵanyn jetkizdi. Sondai-aq óziniń kúzetshi bolyp jumys isteitinin, úsh aidan beri jalaqy almaǵanyn jáne bul jaǵdai onyń áreketine sebep bolǵanyn da moiyndady.
“Men kúzette jumys isteimin. Úsh ai boldy, jalaqy bermei júr. Segizinshi naýryzǵa deiin birdeńe alyp bersem dep edim. Seifýllin kóshesine shyqtym. Kezdeisoq bir avtobýsqa otyryp kettim. Úige jetem dep oiladym… OLX qosymshasynan jumys izdedim. Qalai áýejaiǵa jetip qalǵanymdy ózim de baiqamai qaldym. Otbasymda da máselelerim bar. Ishtei kúizeliste júrdim… Biraq áielime de, qyzym men ulyma da úsh aidan beri qarjylai qiyndyqta júrgenimdi aita almadym”, — dedi ol.
Baratovtyń aitýynsha, áýejaiǵa barǵan soń ol terminal qyzmetkerine jaqyndaǵan. Al qyzdy kepilge alǵan sátte, shynaiy haos bastalǵanda, myltyqtan oq atý oiy týǵan.
“Áýejaiǵa kireiin degen oiym bolmaǵan. “Túske deiin ýaqyt bar eken” dep, jai ǵana aralaiyn dep oiladym… Pyshaqty politsiia ustap alady nemese atyp tastaidy dep qorqyp shyǵardym. Bári aiaqasty boldy. Politseilerdiń ózi kidirip qaldy. Men olardyń boryshyn oryndaitynyna sendim. Filmderde kórip júrmiz ǵoi: politsei kepildi qutqarýy kerek, biraq olar qorqyp qaldy. Qyzǵa da janym ashydy. Bireý jaqyndasa eken dedim”, — dedi aiyptalýshy.
Ol sonymen qatar Aýǵanstandaǵy soǵysta jaralanǵanyn, basynan eki ret jaraqat alyp, kontýziia alǵanyn da jetkizdi.
“Kóktemde jaǵdaiym kúrdelenip ketedi… Basymda eki synǵan jer, kontýziia bar. Biylǵy kóktem qiyn tidi — jalaqy bermedi. Barlyǵy qatar keldi. Kontýziiany 1981 jyly Aýǵanstanda aldym. Ol kezde partiia múshesi edim, óz erkimmen soǵysqa bardym… “Kópirdi kúzetesiń” dedi. Men boryshymdy óteý úshin bardym”— dedi ol.
Sot protsesi jalǵasýda…
Eske salaiyq, buǵan deiin Almatyda er adam áýejai qyzmetkerin kepilge alǵanyn jazǵan edik.
Áýejai ókilderiniń sózinshe, oqiǵa búgin, 7 naýryzda áýejaidyń ushý aldyndaǵy tekserý aimaǵynda bolǵan.
Saǵat 11:45 shamasynda ózin jolaýshy retinde tanystyrǵan er adam ishki terminaldaǵy (T1) reis aldyndaǵy tekserý aimaǵyna kelgen. Almaty halyqaralyq áýejaiynyń aviatsiialyq qaýipsizdik qyzmetiniń skrining qyzmetkerleri er adamnan qujattaryn kórsetýdi suraǵan, biraq er adam skrining ofitserin shashynan ustap alyp, pyshaqpen qorqyta bastaǵan.
7 minýttan keiin áýejaidyń jelilik politsiia bóliminiń (LPD) qyzmetkerleri jáne Almaty halyqaralyq áýejaiynyń aviatsiialyq qaýipsizdik qyzmetkerleri er adamnyń pyshaǵyn tartyp alǵan.
Qazirgi ýaqytta er adam politsiia bóliminde, quqyq qorǵaý qyzmetkerleri oqiǵanyń mán-jaiyn anyqtap jatyr.
