سوتتا ايىپتالۋشى ماشراپبەك باراتوۆ بۇل ەرەكەتتٸ الدىن الا جوسپارلاماعانىن ايتتى. ونىڭ سٶزٸنشە, سول كٷنٸ ول ەۋەجايدا كەزدەيسوق پايدا بولىپ, قاتتى كٷيزەلٸستە جٷرگەنٸن جەتكٸزدٸ, دەپ حابارلايدى Dalanews.kz.
ول ريۋكزاكتا ەسكٸ اسٷي پىشاعى بولعانىن راستادى. بۇرىن سول پىشاقپەن كونسەرۆٸ اشىپ جٷرگەنٸن, ال “بومبا بار” دەگەن سٶزدٸ ٷرەي ٷستٸندە ايتىپ قالعانىن جەتكٸزدٸ. سونداي-اق ٶزٸنٸڭ كٷزەتشٸ بولىپ جۇمىس ٸستەيتٸنٸن, ٷش ايدان بەرٸ جالاقى الماعانىن جەنە بۇل جاعداي ونىڭ ەرەكەتٸنە سەبەپ بولعانىن دا مويىندادى.
“مەن كٷزەتتە جۇمىس ٸستەيمٸن. ٷش اي بولدى, جالاقى بەرمەي جٷر. سەگٸزٸنشٸ ناۋرىزعا دەيٸن بٸردەڭە الىپ بەرسەم دەپ ەدٸم. سەيفۋللين كٶشەسٸنە شىقتىم. كەزدەيسوق بٸر اۆتوبۋسقا وتىرىپ كەتتٸم. ٷيگە جەتەم دەپ ويلادىم… OLX قوسىمشاسىنان جۇمىس ٸزدەدٸم. قالاي ەۋەجايعا جەتٸپ قالعانىمدى ٶزٸم دە بايقاماي قالدىم. وتباسىمدا دا مەسەلەلەرٸم بار. ٸشتەي كٷيزەلٸستە جٷردٸم… بٸراق ەيەلٸمە دە, قىزىم مەن ۇلىما دا ٷش ايدان بەرٸ قارجىلاي قيىندىقتا جٷرگەنٸمدٸ ايتا المادىم”, — دەدٸ ول.
باراتوۆتىڭ ايتۋىنشا, ەۋەجايعا بارعان سوڭ ول تەرمينال قىزمەتكەرٸنە جاقىنداعان. ال قىزدى كەپٸلگە العان سەتتە, شىنايى حاوس باستالعاندا, مىلتىقتان وق اتۋ ويى تۋعان.
“ەۋەجايعا كٸرەيٸن دەگەن ويىم بولماعان. “تٷسكە دەيٸن ۋاقىت بار ەكەن” دەپ, جاي عانا ارالايىن دەپ ويلادىم… پىشاقتى پوليتسييا ۇستاپ الادى نەمەسە اتىپ تاستايدى دەپ قورقىپ شىعاردىم. بەرٸ اياقاستى بولدى. پوليتسەيلەردٸڭ ٶزٸ كٸدٸرٸپ قالدى. مەن ولاردىڭ بورىشىن ورىندايتىنىنا سەندٸم. فيلمدەردە كٶرٸپ جٷرمٸز عوي: پوليتسەي كەپٸلدٸ قۇتقارۋى كەرەك, بٸراق ولار قورقىپ قالدى. قىزعا دا جانىم اشىدى. بٸرەۋ جاقىنداسا ەكەن دەدٸم”, — دەدٸ ايىپتالۋشى.
ول سونىمەن قاتار اۋعانستانداعى سوعىستا جارالانعانىن, باسىنان ەكٸ رەت جاراقات الىپ, كونتۋزييا العانىن دا جەتكٸزدٸ.
“كٶكتەمدە جاعدايىم كٷردەلەنٸپ كەتەدٸ… باسىمدا ەكٸ سىنعان جەر, كونتۋزييا بار. بيىلعى كٶكتەم قيىن تيدٸ — جالاقى بەرمەدٸ. بارلىعى قاتار كەلدٸ. كونتۋزييانى 1981 جىلى اۋعانستاندا الدىم. ول كەزدە پارتييا مٷشەسٸ ەدٸم, ٶز ەركٸممەن سوعىسقا باردىم… “كٶپٸردٸ كٷزەتەسٸڭ” دەدٸ. مەن بورىشىمدى ٶتەۋ ٷشٸن باردىم”— دەدٸ ول.
سوت پروتسەسٸ جالعاسۋدا…
ەسكە سالايىق, بۇعان دەيٸن الماتىدا ەر ادام ەۋەجاي قىزمەتكەرٸن كەپٸلگە العانىن جازعان ەدٸك.
ەۋەجاي ٶكٸلدەرٸنٸڭ سٶزٸنشە, وقيعا بٷگٸن, 7 ناۋرىزدا ەۋەجايدىڭ ۇشۋ الدىنداعى تەكسەرۋ ايماعىندا بولعان.
ساعات 11:45 شاماسىندا ٶزٸن جولاۋشى رەتٸندە تانىستىرعان ەر ادام ٸشكٸ تەرمينالداعى (ت1) رەيس الدىنداعى تەكسەرۋ ايماعىنا كەلگەن. الماتى حالىقارالىق ەۋەجايىنىڭ اۆياتسييالىق قاۋٸپسٸزدٸك قىزمەتٸنٸڭ سكرينينگ قىزمەتكەرلەرٸ ەر ادامنان قۇجاتتارىن كٶرسەتۋدٸ سۇراعان, بٸراق ەر ادام سكرينينگ وفيتسەرٸن شاشىنان ۇستاپ الىپ, پىشاقپەن قورقىتا باستاعان.
7 مينۋتتان كەيٸن ەۋەجايدىڭ جەلٸلٸك پوليتسييا بٶلٸمٸنٸڭ (LPD) قىزمەتكەرلەرٸ جەنە الماتى حالىقارالىق ەۋەجايىنىڭ اۆياتسييالىق قاۋٸپسٸزدٸك قىزمەتكەرلەرٸ ەر ادامنىڭ پىشاعىن تارتىپ العان.
قازٸرگٸ ۋاقىتتا ەر ادام پوليتسييا بٶلٸمٸندە, قۇقىق قورعاۋ قىزمەتكەرلەرٸ وقيعانىڭ مەن-جايىن انىقتاپ جاتىر.
