16 maýsymda Jenevada Amerıka prezıdenti Jo Baıdenmen júzdesken Pýtın Aq úı basshysyna Orta Azıadan aýlaq júrýin eskertken.
Kreml kósemi AQSH áskeriniń Orta Azıa aýmaǵynda ornalasýyna túbegeıli qarsy.
“Sonyń kesirinen Amerıkanyń Aýǵanstanmen shektesetin elderde ushqyshsyz ushatyn drondar men lańkestikke qarsy ózge de kúsh qurylymdaryn ornalastyrý múmkindigi shektelip qaldy”, – dep jazady Wall Street Journal.
Jenevadaǵy kezdesýde Pýtın osy jaıtty Baıdenniń qulaǵyna quıýǵa tyrysqan ári Qytaıdyń da osy pozısıany quptaıtynyn jetkizgen.
Orta Azıany qos qaptaldan qysyp otyrǵan qos derjava AQSH-taı alpaýyt eldiń atalǵan aımaqta ásker ornalastyrýyn qaýip kóredi.
Basylymǵa pikir bildirgen Aq úı sheneýnigi Jenevadaǵy júzdesýde Baıdenniń bul máseleni kótermegenin, muny Pýtınniń ózi sóz etkenin aıtady.
Wall Street Journal-dyń osyǵan qatysty saýalyna jaýap qatqan Reseı Syrtqy ister mınıstriniń orynbasary Sergeı Rábkov AQSH-tyń Orta Azıaǵa ásker ornalastyrýy aımaqtyń qaýipsizdigin qamtamasyz etpesine senimdi.
“Onyń ústine bul Kremldiń múddesine qaıshy. Reseıdiń kóńiline keler edi. Aýǵanstandaǵy ahýaldyń turaqsyzdyǵyna qaramastan bizdiń bul máselege baılanysty pozısıamyz sol qalpynda”, – deıdi Reseı SİM ókili.
