16 ماۋسىمدا جەنەۆادا امەريكا پرەزيدەنتٸ جو بايدەنمەن جٷزدەسكەن پۋتين اق ٷي باسشىسىنا ورتا ازييادان اۋلاق جٷرۋٸن ەسكەرتكەن.
كرەمل كٶسەمٸ اقش ەسكەرٸنٸڭ ورتا ازييا اۋماعىندا ورنالاسۋىنا تٷبەگەيلٸ قارسى.
“سونىڭ كەسٸرٸنەن امەريكانىڭ اۋعانستانمەن شەكتەسەتٸن ەلدەردە ۇشقىشسىز ۇشاتىن دروندار مەن لاڭكەستٸككە قارسى ٶزگە دە كٷش قۇرىلىمدارىن ورنالاستىرۋ مٷمكٸندٸگٸ شەكتەلٸپ قالدى”, – دەپ جازادى Wall Street Journal.
جەنەۆاداعى كەزدەسۋدە پۋتين وسى جايتتى بايدەننٸڭ قۇلاعىنا قۇيۋعا تىرىسقان ەرٸ قىتايدىڭ دا وسى پوزيتسييانى قۇپتايتىنىن جەتكٸزگەن.
ورتا ازييانى قوس قاپتالدان قىسىپ وتىرعان قوس دەرجاۆا اقش-تاي الپاۋىت ەلدٸڭ اتالعان ايماقتا ەسكەر ورنالاستىرۋىن قاۋٸپ كٶرەدٸ.
باسىلىمعا پٸكٸر بٸلدٸرگەن اق ٷي شەنەۋنٸگٸ جەنەۆاداعى جٷزدەسۋدە بايدەننٸڭ بۇل مەسەلەنٸ كٶتەرمەگەنٸن, مۇنى پۋتيننٸڭ ٶزٸ سٶز ەتكەنٸن ايتادى.
Wall Street Journal-دىڭ وسىعان قاتىستى ساۋالىنا جاۋاپ قاتقان رەسەي سىرتقى ٸستەر مينيسترٸنٸڭ ورىنباسارى سەرگەي ريابكوۆ اقش-تىڭ ورتا ازيياعا ەسكەر ورنالاستىرۋى ايماقتىڭ قاۋٸپسٸزدٸگٸن قامتاماسىز ەتپەسٸنە سەنٸمدٸ.
“ونىڭ ٷستٸنە بۇل كرەملدٸڭ مٷددەسٸنە قايشى. رەسەيدٸڭ كٶڭٸلٸنە كەلەر ەدٸ. اۋعانستانداعى احۋالدىڭ تۇراقسىزدىعىنا قاراماستان بٸزدٸڭ بۇل مەسەلەگە بايلانىستى پوزيتسييامىز سول قالپىندا”, – دەيدٸ رەسەي سٸم ٶكٸلٸ.
