Joǵary aýditorlyq palata júrgizgen aýditten keiin Densaýlyq saqtaý ministrligi meditsinalyq zertteýler men biomaterialdardy baqylaýdy kúsheitti, dep habarlaidy Dalanews.kz.
QR Densaýlyq saqtaý ministrligi biomeditsinalyq jáne klinikaǵa deiingi zertteýlerdi, sondai-aq biobankterdiń qyzmetin retteitin normativtik qujattarǵa birqatar mańyzdy ózgeris engizdi. Jumys Joǵary aýditorlyq palatanyń nusqamasyn oryndaý aiasynda júrgizildi.
Joǵary aýditorlyq palata ótken jyly Densaýlyq saqtaý ministrligi men onyń vedomstvolyq baǵynysty uiymdarynda tiimdilik aýditin júrgizdi. Tekserý azamattar men meditsinalyq mekemelerdi dári-dármekpen jáne meditsinalyq buiymdarmen qamtamasyz etý, sondai-aq memlekettik aktivterdi paidalaný máselelerin qamtydy.
Aýdit qorytyndysy boiynsha pysyqtaýdy talap etetin baǵyttar anyqtaldy. Osyǵan bailanysty Ministrlikke birneshe negizgi normativtik qujatqa ózgerister engizý tapsyryldy.
Atap aitqanda, biomeditsinalyq zertteýler júrgizýdiń, esepke alýdyń jáne monitoringteýdiń naqty mehanizmin qalyptastyrý úshin Biomeditsinalyq zertteýler júrgizý qaǵidalaryn jańartý qajet boldy. Bul bastama boiynsha júrgiziletin, óz qarajaty esebinen júrgiziletin, halyqaralyq kózderden qarjylandyrylatyn jáne basqa da zertteýlerdiń barlyq tipine qatysty boldy. Sonymen qatar Dárilik zattardy klinikalyq zertteý qaǵidalarynyń erejelerin qaitalaityn normalardy alyp tastaý usynyldy.
Sondai-aq biologiialyq materialdardy saqtaý men basqarýdyń biryńǵai standarttaryn belgilei otyryp, Biobankter qurý jáne qyzmetiniń qaǵidalaryn pysyqtaý usynyldy.
Klinikaǵa deiingi zertteýlerge de erekshe nazar aýdaryldy. Olardy esepke alýdyńiashyq tártibin aiqyndaý qajet boldy.
Nátijesinde Densaýlyq saqtaý ministrligi qajetti ózgerister engizdi:
- Biomeditsinalyq zertteýler qaǵidalaryna tirkeý, esepke alý jáne monitoringteý mehanizmi qosyldy, sondai-aq Klinikalyq zertteýler qaǵidalarymen qiylysatyn normalar alyp tastaldy;
- Biobankter qyzmetiniń qaǵidalaryna biologiialyq materialdardy saqtaý tártibine arnalǵan jańa taraý qosyldy;
- Klinikaǵa deiingi zertteýler qaǵidalaryna olardy esepke alý tártibin belgileitin túzetýler engizildi.
Osylaisha, biomeditsinalyq, klinikaǵa deiingi zertteýler men biobankterdiń jumysy salasyndaǵy normativtik baza anaǵurlym ashyq ári júieli bola tústi. Bul zertteýlerdiń qaýipsizdigi men sapasyn arttyrady, sonymen qatar biomaterialdardy baqylaýdy jaqsartady.
