Aýdanda qylmys 7,6 paiyzǵa kemigen
Baiandama barysynda biyl atqarylǵan jedel-qyzmettik jumystarǵa toqtaldy. On aida aýdandyǵy qylmys deńgeii tómendegen. Jalpy 447 qylmys tirkelip, byltyrǵymen salystyrǵanda 7,6 paiyzǵa kemigen. Qylmystyń ashylý deńgeii joǵarylaǵan. Denege jaraqat salý, qaraqshylyq, zorlaý, alaiaqtyq qylmystary 100 paiyz ashylǵan.
Esepti jinalys barysynda oblystyq politsiia departamenti jedel josparlaý basqarmasynyń basshysy Ábdýáli Tájiev oblystaǵy quqyq buzýshylyq kórsetkishteri jóninde sóz qozǵady.
Turǵyndar tarapynan qoiylǵan suraqtyń deni mal urlyǵyna qatysty boldy. Baýyrjan Saparuly barymtashylardyń maldy kóbine jaiylymnan aidap ketetinin aityp, ordabasylyqtardy tórt túlikti qaraýsyz qaldyrmaýǵa shaqyrdy.
Aýdan ákiminiń mindetin ýaqytsha atqarýshy Ǵalymjan Úsenbaev aýdandaǵy quqyq buzýshylyqtyń aldyn alý sharalaryn jetildirý barysynda turǵyndardyń usynys-tilekteri nazarǵa alynýy qajettigin tilge tiek etti, sondai-aq, turǵyndardyń da qaýipsizdikti saqtaý jaýapkershiligin umytpaǵany jón ekenin aita kele, jiyndy qorytyndylady.
Dalanews.kz
