Atyraý oblysynan sailanǵan depýtat Syrymbek Sársembaev prezidentke úndeý joldap, qazir Timýr Qulybaev qurylymyna tiesili Airankól munai ken ornyn memleket menshigine qaitarýdy surady. Bul týraly Energy Monitor málimet taratty, dep habarlaidy dalanews.kz.
Depýtattyń aitýynsha, buǵan deiin Airankól ken orny memlekettik munai-gaz basqarý júiesine qaraǵan. Alaida keiinnen «túsiniksiz sebeptermen» jekemenshikke ótip ketken.
Qazir Airankól ken ornyn paidalanýshy kompaniia – «Kaspii neft». Ashyq derekterge sáikes, kompaniianyń jalǵyz iesi retinde Timýr Qulybaev kórsetiledi.
Sársembaev depýtattyq saýalynda ken ornyn igerý kelisimshartynyń merzimi 2029 jyly aiaqtalatynyn atap ótti. Soǵan qaramastan, kompaniia kelisimdi taǵy on jylǵa uzartý rásimin bastap ketken.
Budan bólek, depýtat óńirdegi munai salasynyń damýy máselesin de kóterdi. Onyń aitýynsha, jańa ken oryndaryn anyqtaý úshin geologiialyq barlaý jumystaryna bólinetin qarjyny kóbeitý qajet.
Sondai-aq ol munai-gaz sektoryndaǵy resýrstardy basqarý máselesine erekshe nazar aýdarýǵa shaqyrdy.
