Atyraýda dron kómegimen joldaǵy quqyqbuzýshylyqtar anyqtalyp jatyr, dep habarlaidy dalanews.kz.
Respýblika kóleminde ótip jatqan "Qaýipsiz jol" jedel profilaktikalyq is-sharasy aiasynda patrýldik politsiia qyzmetkerleri dron kómegimen jol qozǵalysy erejesin buzǵan júrgizýshilerdi anyqtap, zań talaptaryna sáikes sharalar qabyldap jatyr.
"I.Taimanov pen Ábilqaiyr han - Mádenov kósheleri qiylysynda Toyota Land Cruiser 150 jáne Hyundai Creta kólikteriniń júrgizýshileri kólikti jeńil dárejedegi masań kúide basqarǵany anyqtaldy. Sondai-aq, Q.Sátbaev kóshesinde qaýipti manevr jasaǵan BMW júrgizýshisi ákimshilik jaýapkershilikke tartylyp, kóligi arnaiy aiyp turaǵyna qoiyldy", - dedi óńir politsiiasy.
