Atyraý – Oral baǵytyndaǵy respýblikalyq mańyzy bar tasjoldyń jóndelip jatqan bóligindegi ýaqytsha ainalma joldyń qalyń shańǵa oranýyna merdiger uiym túsinikteme berdi, dep habarlaidy dalanews.kz Aq Jaiyq basylymyna silteme jasap.
12 shildede jergilikti redaktsiiaǵa atalǵan ýchaskede túsirilgen beinejazba kelip túsken. Onda júk kólikteri men jeńil avtokólikterdiń ýaqytsha ainalma jolmen júrip bara jatqan sáti kórsetilgen. Kólikter kótergen shańnyń qoiý bolǵany sonshalyq, qarsy baǵyttaǵy kólikter birneshe sekýndqa múlde kórinbei qalady.
Osyǵan bailanysty «QazAvtoJol» UK» AQ-nyń Atyraý oblystyq filialy merdiger uiym – «ABK-Avtodor NS» JShS tehnikalyq direktory Ermek Edigenovtiń túsiniktemesin joldady. Onyń aitýynsha, ýaqytsha ainalma joldyń jaǵdaiy kólik qozǵalysynyń qarqyndylyǵy men qolaisyz aýa raiynyń, sonyń ishinde mol jaýyn-shashynnyń áserinen nasharlaǵan.
Kompaniianyń málimetinshe, qazirgi ýaqytta ainalma joldy kútip ustaý jumystary turaqty túrde júrgizilýde. Atap aitqanda, shańdy azaitý úshin jolǵa únemi sý sebiledi, jabyndy avtogreidermen tegisteý, jol katogymen nyǵyzdaý jumystary atqarylady. Sonymen qatar paida bolǵan aqaýlar jedel túrde joiylyp jatyr.
Merdiger uiym redaktsiiaǵa jóndeý jumystary júrgizilip jatqan jerden túsirilgen fotosýretterdi de joldaǵan. Onda sý shashatyn arnaiy tehnika men avtogreiderdiń jumys istep jatqany kórinedi.
«ABK-Avtodor NS» JShS ýaqytsha ainalma joldyń jaǵdaiy injenerlik-tehnikalyq mamandardyń turaqty baqylaýynda ekenin atap ótip, jóndeý jumystaryna bailanysty júrgizýshilerden týyndaǵan ýaqytsha qolaisyzdyqtar úshin keshirim surady.
