QMA Atyraý oblysy boiynsha departamenti alaiaqtyq jáne zańsyz materialdyq syiaqy alý derekteri boiynsha kúdikke ilingen hirýrg dárigerge qatysty tergep-tekserýdi aiaqtady, dep habarlaidy dalanews.kz.
Tergeý amaldaryna sai kúdikti 2023-2025 jyldar aralyǵynda Family Health Clinic JShS men "Kim V." JK klinikasynda jumys istei otyryp, naýqastardan varikoz aýrýyna jasalatyn ota MÁMS sheńberinde tegin júrgiziletini týraly aqparatty jasyrǵan jáne kórsetilgen qyzmet úshin tólemdi óziniń bank shottaryna qabyldap otyrǵan.
Sonymen qatar, DamuMed júiesine naýqastarǵa tegin meditsinalyq kómek kórsetilgeni týraly málimet engizilip, sonyń negizinde meditsinalyq uiymdar Áleýmettik meditsinalyq saqtandyrý qorynan qarjylandyrý alǵan. Osylaisha, bir meditsinalyq qyzmet úshin tólem eki ret júrgizilgen: bir jaǵynan MÁMS qarajaty esebinen, ekinshi jaǵynan naýqastardyń óz qarajaty arqyly.
Nátijesinde kúdikti 42 naýqastyń 8 mln teńgeden asa qarajatyn zańsyz iemdengen. Al kórsetilgen meditsinalyq qyzmetter úshin meditsinalyq uiymdarǵa qor tarapynan 14,8 mln teńgeden asa qarajat aýdarylǵan.
Budan bólek, onyń qyzmettik mindetin oryndaǵany úshin naýqastardan zańsyz aqshalai syiaqy alǵan da anyqtaldy. Kúdiktige qatysty elden ketpeý jáne tiisti minez-qulyq týraly qolhat túrindegi bultartpaý sharasy qoldanyldy.
Qylmystyq is sotqa joldandy.
