Syra qainatýǵa arnalǵan jabdyq Chehiiadan satyp alyndy, montajdaý jáne iske qosýdy óndiris zaýytynan arnaiy kelgen mamandar júzege asyrǵan.
Is-sharaǵa Almaty qalasy Áýezov aýdanynyń ákimi Sairan Saifedenov, EFES Kazakhstan basshylyǵynan Zeinep Erkan Alp, Fatih Teksal, Chingiz Kaskeev jáne Stanislav Verish jáne ónerkásip kásiporyndarynyń jetekshileri men jetekshi mamandary qatysty.
Ortalyqtyń ashylý rásiminde ATÝ rektory Talǵat Qulajanov, Áýezov aýdanynyń ákimi Sairan Saifedenov jáne EFES Kazakhstan-nyń ujymdy basqarý direktory Fatih Teksal saltanatty túrde kógildir lentany kesti.
ATÝ rektory Talǵat Qulajanovtyń aitýynsha, ýniversitet qazaqstandyq stýdentterge ashytý óndirisindegi alǵashqy innovatsiialyq jáne bilim berý ortasyn qalyptastyryp otyr.
Ortalyqtyń ashylýy saltanatynda Almaty qalasy Áýezov aýdanynyń ákimi Sairan Saifedenov stýdentterdiń osy jabdyqty qoldana otyryp, mol tájiribe jinaitynyna, osy múmkindik arqyly jaqsy jumys oryndaryna ornalasa alatynyn aityp, tilektestigin bildirdi.
Is-shara barysynda arnaiy shaqyrylǵan qonaqtar daiyndalǵan syranyń birneshe túrinen dám tatyp, tehnoparktyń tsehtaryn aralady.
Aita keteiik, EFES Kazakhstan kóp jyl boiy dýaldy oqytý boiynsha ATÝ seriktesi bolyp kele jatyr. Jyl saiyn qysqy jáne jazǵy taǵylymdamalarǵa stýdentterdi qabyldap, jumysqa ornalasýǵa usynys bildiredi. Sondai-aq, suranysqa ie mamandar daiarlaidy.
Ashylǵan ortalyqtyń negizgi maqsaty – stýdentterdiń tájiribe jinaýyna múmkindik berý, jastardyń ǵylymǵa degen qulshynysyn oiatý. Munda Qazaqstan men shet elderdiń jetekshi kásiporyndarynyń joǵary sanatty kásipqoi tehnologtary stýdentterge arnalǵan oqý seminarlary men alkogolsiz sýsyndar óndirisi boiynsha seminarlar ótkizetin bolady.
Shaǵyn syra qainatý zaýyty – qazaqstandyq syra qainatýdaǵy innovatsiiany yntalandyrýdyń mańyzdy faktory.
Stýdentterdiń mundaǵy tájiribelik jumysy syra óndirý protsesin tolyqtai qarap úirenýge, ashytqynyń úgitilýinen bastap, daiyn ónimdi shyǵarýǵa deiingi protsesterin baqylaýǵa múmkindik beredi.
Osylaisha stýdentter syra qainatýdyń jańa tehnologiialaryn qoldana otyryp, bilimderin bekite alady: syrany daiyndap, erekshe sorttaryn ázirleidi. Osy arqyly olar óz isine kásibi turǵyda daiyndalýǵa múmkindik alady.
Praktikalyq bilim men daǵdylardy jetildirý stýdentterdiń kásibi mansabynda mańyzdy ról atqarady. Bul túlekterdiń ishki jáne syrtqy eńbek naryǵynda básekege qabilettiligin arttyrady.
Shara barysynda ATÝ rektory Talǵat Qulajanov jáne Áýezov aýdanynyń ákimi Sairan Saifedenov taǵam, jeńil ónerkásibi jáne meiramhana-meimanhana biznesi salasy úshin jumysshy mamandardy birlesip daiarlaý máselesin talqylady.
ATÝ Media ortalyǵy
