سىرا قايناتۋعا ارنالعان جابدىق چەحيادان ساتىپ الىندى، مونتاجداۋ جانە ىسكە قوسۋدى ءوندىرىس زاۋىتىنان ارنايى كەلگەن ماماندار جۇزەگە اسىرعان.
ءىس-شاراعا الماتى قالاسى اۋەزوۆ اۋدانىنىڭ اكىمى سايران سايفەدەنوۆ، EFES Kazakhstan باسشىلىعىنان زەينەپ ەركان الپ، فاتيح تەكسال، چينگيز كاسكەيەۆ جانە ستانيسلاۆ ۆەريش جانە ونەركاسىپ كاسىپورىندارىنىڭ جەتەكشىلەرى مەن جەتەكشى ماماندارى قاتىستى.
ورتالىقتىڭ اشىلۋ راسىمىندە اتۋ رەكتورى تالعات قۇلاجانوۆ، اۋەزوۆ اۋدانىنىڭ اكىمى سايران سايفەدەنوۆ جانە EFES Kazakhstan-نىڭ ۇجىمدى باسقارۋ ديرەكتورى فاتيح تەكسال سالتاناتتى تۇردە كوگىلدىر لەنتانى كەستى.
اتۋ رەكتورى تالعات قۇلاجانوۆتىڭ ايتۋىنشا، ۋنيۆەرسيتەت قازاقستاندىق ستۋدەنتتەرگە اشىتۋ وندىرىسىندەگى العاشقى يننوۆاسيالىق جانە ءبىلىم بەرۋ ورتاسىن قالىپتاستىرىپ وتىر.
ورتالىقتىڭ اشىلۋى سالتاناتىندا الماتى قالاسى اۋەزوۆ اۋدانىنىڭ اكىمى سايران سايفەدەنوۆ ستۋدەنتتەردىڭ وسى جابدىقتى قولدانا وتىرىپ، مول تاجىريبە جينايتىنىنا، وسى مۇمكىندىك ارقىلى جاقسى جۇمىس ورىندارىنا ورنالاسا الاتىنىن ايتىپ، تىلەكتەستىگىن ءبىلدىردى.
ءىس-شارا بارىسىندا ارنايى شاقىرىلعان قوناقتار دايىندالعان سىرانىڭ بىرنەشە تۇرىنەن ءدام تاتىپ، تەحنوپاركتىڭ سەحتارىن ارالادى.
ايتا كەتەيىك، EFES Kazakhstan كوپ جىل بويى دۋالدى وقىتۋ بويىنشا اتۋ سەرىكتەسى بولىپ كەلە جاتىر. جىل سايىن قىسقى جانە جازعى تاعىلىمدامالارعا ستۋدەنتتەردى قابىلداپ، جۇمىسقا ورنالاسۋعا ۇسىنىس بىلدىرەدى. سونداي-اق، سۇرانىسقا يە ماماندار دايارلايدى.
اشىلعان ورتالىقتىڭ نەگىزگى ماقساتى – ستۋدەنتتەردىڭ تاجىريبە جيناۋىنا مۇمكىندىك بەرۋ، جاستاردىڭ عىلىمعا دەگەن قۇلشىنىسىن وياتۋ. مۇندا قازاقستان مەن شەت ەلدەردىڭ جەتەكشى كاسىپورىندارىنىڭ جوعارى ساناتتى كاسىپقوي تەحنولوگتارى ستۋدەنتتەرگە ارنالعان وقۋ سەمينارلارى مەن الكوگولسىز سۋسىندار ءوندىرىسى بويىنشا سەمينارلار وتكىزەتىن بولادى.
شاعىن سىرا قايناتۋ زاۋىتى – قازاقستاندىق سىرا قايناتۋداعى يننوۆاسيانى ىنتالاندىرۋدىڭ ماڭىزدى فاكتورى.
ستۋدەنتتەردىڭ مۇنداعى تاجىريبەلىك جۇمىسى سىرا ءوندىرۋ پروسەسىن تولىقتاي قاراپ ۇيرەنۋگە، اشىتقىنىڭ ۇگىتىلۋىنەن باستاپ، دايىن ءونىمدى شىعارۋعا دەيىنگى پروسەستەرىن باقىلاۋعا مۇمكىندىك بەرەدى.
وسىلايشا ستۋدەنتتەر سىرا قايناتۋدىڭ جاڭا تەحنولوگيالارىن قولدانا وتىرىپ، بىلىمدەرىن بەكىتە الادى: سىرانى دايىنداپ، ەرەكشە سورتتارىن ازىرلەيدى. وسى ارقىلى ولار ءوز ىسىنە كاسىبي تۇرعىدا دايىندالۋعا مۇمكىندىك الادى.
پراكتيكالىق ءبىلىم مەن داعدىلاردى جەتىلدىرۋ ستۋدەنتتەردىڭ كاسىبي مانسابىندا ماڭىزدى ءرول اتقارادى. بۇل تۇلەكتەردىڭ ىشكى جانە سىرتقى ەڭبەك نارىعىندا باسەكەگە قابىلەتتىلىگىن ارتتىرادى.
شارا بارىسىندا اتۋ رەكتورى تالعات قۇلاجانوۆ جانە اۋەزوۆ اۋدانىنىڭ اكىمى سايران سايفەدەنوۆ تاعام، جەڭىل ونەركاسىبى جانە مەيرامحانا-مەيمانحانا بيزنەسى سالاسى ءۇشىن جۇمىسشى مامانداردى بىرلەسىپ دايارلاۋ ماسەلەسىن تالقىلادى.
اتۋ مەديا ورتالىعى
