Oblystyq politsiia departamentiniń málimeti boiynsha Muhamedjanov qaladaǵy Shekarashylar saiabaǵynda ornalasqan monýmenttiń qaq mańdaiyndaǵy QazSSR gerbin julyp alǵan.
"Bul gerb bizdiń ideologiiaǵa qaishy! Oblys jáne qala ákimine aitarym, tez arada bul baǵananyń kózin qurtyńdar. Ornyna Qazaqstannyń týy tústes monýment ornatýdy talap etemin! Elimizdiń barlyq óńirleri Qyzyl imperiiadan qalǵan mundai muradan arylýy kerek.
Sonymen qatar prezident Toqaevqa ún qatamyn! Eltańbamyzdyń tóbesindegi qyzyl qyrǵynnan habar beretin bes juldyzdy alyp tastańyzdar. KSRO-nyń tutqyny bolǵanymyz bolǵanymyz osydan-aq aiqyn kórinedi. Bizge Sovet úkimetin eske salatyn bul belginiń múlde qajeti joq. Otarlyq ezginiń ideologiia quraldary Táýelsiz eldiń simvoldarynda kórinis bermeýi qajeti", – degen edi Ardagerlerdi odaǵynyń tóraǵasy.
[video width="640" height="640" mp4="https://dalanews.kz/wp-content/uploads/2021/07/215348852_352898969553236_1038311606504323356_n.mp4"][/video]
Al oblystyq politsiia basqarmasy Murat Muhamedjanov osy arqyly áskeri qyzmetshilerdiń ar-namysyn qorlady dep otyr.
"Bul monýment Otandy qorǵaǵan barlyq urpaqtyń shekara jaýyngerleriniń erliginiń máńgi eskertkishi jáne memlekettik shekaranyń qasiettiligi men qol suǵylmaýshylyǵynyń simvoly bolyp tabylady.
Atalǵan quqyq buzýshylyq jasaǵany úshin ýchaskelik politsiia inspektorlary Murat Muhamedjanovty qalalyq politsiia bólimine jetkizdi, onda QR ÁQBtK-niń 434-baby (usaq buzaqylyq) boiynsha Ákimshilik quqyq buzýshylyq týraly hattama jasaldy", – deidi politsiia basqarmasynyń baspasóz-qyzmeti.
Belgili bolǵandai Aqtóbe qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynyń qaýlysymen Murat Muhamedjanov QR ÁQBtK-niń 434-baby 1-bóligi boiynsha ákimshilik jaýapkershilikke tartylyp, 5 táýlik merzimge ákimshilik qamaýǵa alynǵan.
Basqarma basshylyǵy óz kezeginde Muhamedjanovtyń ákimshilik jaýapkershilikke tartylýy onyń qoǵamdyq-saiasi qyzmetine qatysy joqtyǵyn aitady.
...
Eske salaiyq, Tájik-aýǵan shekarasyndaǵy áskeri is-qimyldarǵa qatysqan jaýyngerler odaǵynyń tóraǵasy, podpolkovnik Murat Muhamedjanov Reseidiń Dýma depýtaty Evgenii Fedorovpen aitysqa túsken azamat retinde tanymal.
“Qazaq jeri kimge tiesili?” degen taqyrypta ótken tikelei efirde Muhamedjanov orys depýtatynyń birqatar argýmentin joqqa shyǵaryp, onyń arandatýy men aiyptaýyna tótep bergen.
Atyshýly Fedorov buǵan deiin “Resei ulanǵaiyr territoriiany Qazaqstanǵa syiǵa tarta saldy” degen pikir bildirgen. Qazaqstannyń atalǵan aýmaqty Reseiden jalǵa alyp otyrǵanyn, kúnderdiń-kúni bul territoriiany Kremlge qaitarýy kerektigin aitqan.
Sonyń aldynda taǵy bir Dýma depýtaty Viacheslava Nikonov “Qazaqstannyń teriskei óńiri Reseige tiesili” dep málimdegen.
“Qazaqstan degen memleket jer betinde bolǵan emes. Soltústik Qazaqstan ien jatty. Qazaqtar ári ketse ońtústikti mekendedi. Resei óz tarapynan munshama kólemdegi territoriiany Qazaqstanǵa syiǵa bere saldy”, – degen edi ol.
Tikelei efirde ótken debatta qazaq podpolkovnigi Fedorovqa qarymta qaitaryp, Reseige ótip ketken qazaq jeri týraly sóz qozǵaǵan.
“Sizderde Orynbor, Omby, Túmen, Astrahan, Tomby sekildi qalalar bar. Buǵan Altai aimaǵy, Oral atyrabyn qosyńyz. Osy arada sizge unamaityn shyndyqty aitaiyn. Munyń bári bir ýaqytta qazaq halqynyń qaramaǵynda boldy, qazaq halqyna tiesili edi.
Biz bul máseleni ashyq kótergimiz joq. Prezidentimiz halyqqa basý aityp, atalǵan taqyrypty talqylamaýdy suraǵannan keiin jyly jaba saldyq.
Qazaqctanda orystyń jeri joq! Resei bizge eshteńeni syiǵa tartqan emes, kerisinshe KSRO qulaǵannan keiin tarihi turǵydan Qazaqstanǵa tiesili ulanǵaiyr aýmaq Reseidiń quramyna ótip ketti.
Kim-kimge syi jasaǵanyn myna biz jaqsy bilemiz…”, – degen bolatyn Murat Muhamedjanov.
https://dalanews.kz/bas-takyryp/58880-orynbor-omby-bizding-zher-qazaq-askeri
