Áleýmettik jelide Almaty oblysy Esik qalasynda bolǵan oqıǵanyń vıdeolary tarap jatyr, dep habarlaıdy Dalanews.kz.
Jelide taraǵan kadrda atys daýysy, aıqaı-shý estiledi. Sonymen qatar, birneshe adam júgirip júrgeni kórinedi.
"Bizde atys bolyp jatyr, dál balabaqshanyń aldynda", - deıdi vıdeoda áıel adam.
Polısıanyń málimetinshe, bul oqıǵa 28 naýryzda Eńbekshiqazaq aýdanynda bolǵan.
"Oqıǵaǵa qatysty buzaqylyq jáne polısıa qyzmetkerlerine qarsylyq kórsetý deregi boıynsha eki qylmystyq is tirkeldi. Jeti adam kúdikti retinde tanyldy. Oqıǵaǵa qatysy barlar ustalyp, ýaqytsha ustaý ızolátoryna qamaldy", - dedi İİM ókili.
Vedomstvo málimetine súısensek, oqıǵa ornyna kelgen polısıa qyzmetkerleri aýaǵa eskertý sıpatynda oq atqan.
"Qazir sotaldy tergep-tekserý jalǵasyp jatyr. Tergeýdi Eńbekshiqazaq aýdanynyń polısıa basqarmasy júrgizip jatyr. Tergep-tekserý barysy erekshe baqylaýǵa alyndy", - dedi polısıa.
Aıta keteıik, buǵan deıin Talǵarda bolǵan oqıǵalar jurt esinde. 2024 jyly Talǵarda jappaı tóbeles bolyp, saldarynan 16 jastaǵy jasóspirim Sherzat Bolat kóz jumǵan edi.
