Atyraý qalasy bes kúnnen beri kók tútinniń qursaýynda qalyp otyr. Qaptaǵan tútin men sasyq iis turǵyndardyń ómirin qiyndatty. Qalanyń ústin japqan qoiý tútin – Aqjaiyq memlekettik tabiǵi rezervatyndaǵy qamys órti saldary. Órt áli tolyq sóndirilgen joq,- dep habarlaidy Dalanews.kz
Qala turǵyndarynyń aitýynsha, tútinge tunshyǵyp, bas aýyryp, júrek ainyp, álsizdik paida bolǵan. Ásirese balalar men tynys alý joldary syrqat adamdarǵa bul jaǵdai aýyr soǵyp jatyr. Ekologtardyń málimetinshe, aýada kúkirt sýteginiń mólsheri shekti deńgeiden 11 esege asyp ketken. Bul – qalypty ekologiialyq shekara emes, bul – tótenshe jaǵdai.
Máseleniń eń soraqy tusy – bul jaǵdaiǵa tek qamystyń órtenýi ǵana emes, qaladaǵy óndiristik kásiporyndardyń áreketi de sebep bolýy múmkin. Turǵyndardyń paiymynsha, keibir zaýyttar tútindi syltaýratyp, aýaǵa qosymsha las qaldyqtar shyǵaryp jatyr. Al Ekologiia departamenti naqty qorytyndyny zerthanalyq saraptamadan keiin ǵana jariialaitynyn aityp otyr.
Jaǵdaidyń ýshyǵýy halyq arasynda ashý-yzany kúsheitip, áleýmettik jelilerde tótenshe jaǵdai rejimin jariialaýdy jáne ákimniń otstavkasyn talap etken jazbalar kúrt kóbeidi. Alaida jergilikti bilik ázirge únsiz.
Eske salaiyq, memlekettik qorǵaýdaǵy rezervatta úsh jerden órt shyqqan. Jalyn myń gektarǵa jýyq aýmaqty sharpyǵan.
