اتىراۋ قالاسى بەس كٷننەن بەرٸ كٶك تٷتٸننٸڭ قۇرساۋىندا قالىپ وتىر. قاپتاعان تٷتٸن مەن ساسىق يٸس تۇرعىنداردىڭ ٶمٸرٸن قيىنداتتى. قالانىڭ ٷستٸن جاپقان قويۋ تٷتٸن – اقجايىق مەملەكەتتٸك تابيعي رەزەرۆاتىنداعى قامىس ٶرتٸ سالدارى. ٶرت ەلٸ تولىق سٶندٸرٸلگەن جوق,- دەپ حابارلايدى Dalanews.kz
قالا تۇرعىندارىنىڭ ايتۋىنشا, تٷتٸنگە تۇنشىعىپ, باس اۋىرىپ, جٷرەك اينىپ, ەلسٸزدٸك پايدا بولعان. ەسٸرەسە بالالار مەن تىنىس الۋ جولدارى سىرقات ادامدارعا بۇل جاعداي اۋىر سوعىپ جاتىر. ەكولوگتاردىڭ مەلٸمەتٸنشە, اۋادا كٷكٸرت سۋتەگٸنٸڭ مٶلشەرٸ شەكتٸ دەڭگەيدەن 11 ەسەگە اسىپ كەتكەن. بۇل – قالىپتى ەكولوگييالىق شەكارا ەمەس, بۇل – تٶتەنشە جاعداي.
مەسەلەنٸڭ ەڭ سوراقى تۇسى – بۇل جاعدايعا تەك قامىستىڭ ٶرتەنۋٸ عانا ەمەس, قالاداعى ٶندٸرٸستٸك كەسٸپورىنداردىڭ ەرەكەتٸ دە سەبەپ بولۋى مٷمكٸن. تۇرعىنداردىڭ پايىمىنشا, كەيبٸر زاۋىتتار تٷتٸندٸ سىلتاۋراتىپ, اۋاعا قوسىمشا لاس قالدىقتار شىعارىپ جاتىر. ال ەكولوگييا دەپارتامەنتٸ ناقتى قورىتىندىنى زەرتحانالىق ساراپتامادان كەيٸن عانا جارييالايتىنىن ايتىپ وتىر.
جاعدايدىڭ ۋشىعۋى حالىق اراسىندا اشۋ-ىزانى كٷشەيتٸپ, ەلەۋمەتتٸك جەلٸلەردە تٶتەنشە جاعداي رەجيمٸن جارييالاۋدى جەنە ەكٸمنٸڭ وتستاۆكاسىن تالاپ ەتكەن جازبالار كٷرت كٶبەيدٸ. الايدا جەرگٸلٸكتٸ بيلٸك ەزٸرگە ٷنسٸز.
ەسكە سالايىق, مەملەكەتتٸك قورعاۋداعى رەزەرۆاتتا ٷش جەردەن ٶرت شىققان. جالىن مىڭ گەكتارعا جۋىق اۋماقتى شارپىعان.
