– Táýelsizdik jyldary rýhaniiatymyzdyń ózegi qaita jandandy. Dástúrli dinimiz dáriptelip, aiasy keńeiip keledi. Sonyń jarqyn kórinisiniń biri – búgin irgetasy qalanyp jatqan Erkinqala aýylynda boi túzeitin 500 oryndyq meshit. Alla úii árqashan jaqsylyq pen izgiliktiń altyn uiasy. Jamaǵattyń jarysa jetip, janyna rýh alatyn jaimashýaq mekeni. Meiirimdilik, kishipeiildilik pen jomarttyq syndy igi qasietterge shaqyratyn biregei oryn. Bastama qutty bolsy! Halyqtyń igiligine jarap, imandylyqtyń ordasyna ainalsyn! Rýhaniiatymyz kemeldenip, elimizdiń yntymaǵy men birlik-berekesi arta bersin! – dedi Mahambet Dosmuhambetov.
Meshit aýyl turǵyndarynyń ótinishine sai, jergilikti kásipkerlerdiń qarajatymen salynady. Jospar boiynsha bir jylda qurylys jumystary aiaqtalyp, paidalanýǵa berilmek.
Meshittiń ishinde quran oqý bólmesi, erler jáne áielderge arnalǵan namaz oqý zaldary men dárishanalar bolady, sondai-aq janynan ashana men imamnyń úii salynady dep josparlanýda.
Eske sala ketsek, búgingi tańda Atyraý oblysynda 34 meshit jumys isteýde.
