– Táýelsizdik jyldary rýhanıatymyzdyń ózegi qaıta jandandy. Dástúrli dinimiz dáriptelip, aıasy keńeıip keledi. Sonyń jarqyn kórinisiniń biri – búgin irgetasy qalanyp jatqan Erkinqala aýylynda boı túzeıtin 500 oryndyq meshit. Alla úıi árqashan jaqsylyq pen izgiliktiń altyn uıasy. Jamaǵattyń jarysa jetip, janyna rýh alatyn jaımashýaq mekeni. Meıirimdilik, kishipeıildilik pen jomarttyq syndy ıgi qasıetterge shaqyratyn biregeı oryn. Bastama qutty bolsy! Halyqtyń ıgiligine jarap, ımandylyqtyń ordasyna aınalsyn! Rýhanıatymyz kemeldenip, elimizdiń yntymaǵy men birlik-berekesi arta bersin! – dedi Mahambet Dosmuhambetov.
Al, Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly «Allanyń úıi tek ǵıbadat orny emes, bul – salt-dástúrimizdi eldiń birligin, yntymaǵyn nasıhattaıtyn qasıetti oryn. Meshit tek dindi nasıhattaıtyn ǵana emes, sonymen qosa qaıyrymdylyq jasaıtyn ortalyqqa aınalǵany belgili. Sondyqtan, bul meshit te halyqqa zor paıdasy tıer oryn bolady degen senimdemiz. Qazaqta «azany bar el azbaıdy» degen sóz bar, endeshe bes ýaqyt azan aıtylyp turatyn, allaǵa qulshylyq etetin halyqtyń yntymaǵyn nasıhattaıtyn orynnyń jumysyna sáttilik bersin!» dep batasyn berdi.
Meshit aýyl turǵyndarynyń ótinishine saı, jergilikti kásipkerlerdiń qarajatymen salynady. Jospar boıynsha bir jylda qurylys jumystary aıaqtalyp, paıdalanýǵa berilmek.
Meshittiń ishinde quran oqý bólmesi, erler jáne áıelderge arnalǵan namaz oqý zaldary men dárishanalar bolady, sondaı-aq janynan ashana men ımamnyń úıi salynady dep josparlanýda.
Eske sala ketsek, búgingi tańda Atyraý oblysynda 34 meshit jumys isteýde.
