– تەۋەلسٸزدٸك جىلدارى رۋحانيياتىمىزدىڭ ٶزەگٸ قايتا جانداندى. دەستٷرلٸ دٸنٸمٸز دەرٸپتەلٸپ, اياسى كەڭەيٸپ كەلەدٸ. سونىڭ جارقىن كٶرٸنٸسٸنٸڭ بٸرٸ – بٷگٸن ٸرگەتاسى قالانىپ جاتقان ەركٸنقالا اۋىلىندا بوي تٷزەيتٸن 500 ورىندىق مەشٸت. اللا ٷيٸ ەرقاشان جاقسىلىق پەن ٸزگٸلٸكتٸڭ التىن ۇياسى. جاماعاتتىڭ جارىسا جەتٸپ, جانىنا رۋھ الاتىن جايماشۋاق مەكەنٸ. مەيٸرٸمدٸلٸك, كٸشٸپەيٸلدٸلٸك پەن جومارتتىق سىندى يگٸ قاسيەتتەرگە شاقىراتىن بٸرەگەي ورىن. باستاما قۇتتى بولسى! حالىقتىڭ يگٸلٸگٸنە جاراپ, يماندىلىقتىڭ ورداسىنا اينالسىن! رۋحانيياتىمىز كەمەلدەنٸپ, ەلٸمٸزدٸڭ ىنتىماعى مەن بٸرلٸك-بەرەكەسٸ ارتا بەرسٸن! – دەدٸ ماحامبەت دوسمۇحامبەتوۆ.
مەشٸت اۋىل تۇرعىندارىنىڭ ٶتٸنٸشٸنە ساي, جەرگٸلٸكتٸ كەسٸپكەرلەردٸڭ قاراجاتىمەن سالىنادى. جوسپار بويىنشا بٸر جىلدا قۇرىلىس جۇمىستارى اياقتالىپ, پايدالانۋعا بەرٸلمەك.
مەشٸتتٸڭ ٸشٸندە قۇران وقۋ بٶلمەسٸ, ەرلەر جەنە ەيەلدەرگە ارنالعان ناماز وقۋ زالدارى مەن دەرٸسحانالار بولادى, سونداي-اق جانىنان اسحانا مەن يمامنىڭ ٷيٸ سالىنادى دەپ جوسپارلانۋدا.
ەسكە سالا كەتسەك, بٷگٸنگٸ تاڭدا اتىراۋ وبلىسىندا 34 مەشٸت جۇمىس ٸستەۋدە.
