Atyraýda S. Muqashev atyndaǵy politehnikalyq joǵary kolledjde stýdentterdiń bilimin tájiribemen ushtastyrýǵa arnalǵan jańa zamanaýi oqý kabineti ashyldy. Bul bastama «Jumysshy mamandyq jyly» aiasynda júzege asyp, bolashaq mamandardyń kásibi daiarlyǵyn kúsheitýge baǵyttaldy,- dep habarlaidy Dalanews.kz Óńirlik kommýnikatsiialar qyzmetine silteme jasap.
Jańa kabinet «Himiialyq ónimderdiń organikalyq sintezi» páni boiynsha zerthanalyq jumystardy júrgizýge beiimdelgen. Oqý orny zamanaýi halyqaralyq standarttarǵa sai qondyrǵylarmen jabdyqtaldy.
"Zerthana stýdentterdiń tájiribelik mashyqtaryn jetildirýge, óndiristik ortaǵa beiimdelýine zor múmkindik beredi. Jas mamandar tek teoriiany meńgerip qana qoimai, zamanaýi qurylǵylarda jumys isteýdi de úirenedi", - dedi ádistemelik kabinet meńgerýshisi Qarlyǵash Kúzembaeva.
Sondai-aq bilim ornynyń mamandary, zerthana stýdentterdiń eńbek naryǵynda básekege qabiletti bolýyna jol ashatynyn aitty.
Aita keteiik, “Jumysshy mamandyq jyly” aiasynda ashylǵan jańa kabinet «Shuǵyla» demeýshilik jáne qaiyrymdylyq komitetiniń qoldaýymen ashyldy.
